☀️🌸🦋 Татарстанда җәй! Балтачта "ZoorZoom party" – яшьлек, драйв һәм яңа мөмкинлекләр ... — 25 июня 2026 г. в 07:27:22.287
☀️🌸🦋 Татарстанда җәй! Балтачта "ZoorZoom party" – яшьлек, драйв һәм яңа мөмкинлекләр бәйрәме! Кичә Балтач районында җәйнең иң күңелле һәм көтеп алынган вакыйгасы – киң масштаблы "ZoorZoom party" узды. "Сабантуй" ял паркы яшьлек энергиясе, дәртле музыка һәм бәйрәм кәефе белән тулды. Киләчәк – яшьләр кулында! Бу канатлы сүзләрнең мәгънәсе еллар узган саен көчәя генә. Районыбызның иң актив, тыңгысыз җанлы яшьләрен бер йодрыкка туплаган бу чара – моңа ачык мисал. Район яшьләр эшләре һәм спорт бүлеге, ЗАГС, мәдәният бүлеге белән берлектә, районыбызның уңган эшмәкәрләрен берләштергән "Зурзум" студиясе егетләре оештырган бәйрәм быел да югары дәрәҗәдә узды. Бәйрәмнең тантаналы өлешен район башлыгының ихлас котлавыннан соң, район башкарма комитеты җитәкчесе Айдар Фоат улы Хәйретдинов һәм район яшьләр эшләре һәм спорт бүлеге җитәкчесе Рөстәм Рафис улы Заһидуллин дәвам итте. Алар яшь райондашларыбызны гүзәл гомерләренең иң матур чоры белән котлап, изге теләкләрен ирештерделәр. Бәйрәмнең иң дулкынландыргыч мизгелләре – быелгы тантанада яшь гражданнарга паспортлар тапшырылды һәм алдынгы яшьләр хөрмәтләнде. Аларның йөзләрендәге горурлык һәм бәхет нурын күрү – үзе зур шатлык. Татар эстрадасының яшь, танылган артистлары һәм шоуменнар чыгышлары бәйрәмгә тагын да ямь өстәде, яшьләргә онытылмаслык кич бүләк итте. #ЛетовТатарстане #АйдаГулять