Гомер юлының һәр әйләнеше адәм баласы өчен тормыш тәҗрибәсе генә түгел, ә олы кыйммәткә... — 1 июля 2026 г. в 11:55:17.504
Гомер юлының һәр әйләнеше адәм баласы өчен тормыш тәҗрибәсе генә түгел, ә олы кыйммәткә ия Аллаһ бүләге. Тыныч картлыкка җитү, олыгаеп барган көннәреңне кадер-хөрмәттә яшәүдән дә зур бәхет була алмый. Гомер баскычында күркәм бәйрәмнәр күп булса да, олылык чорында хәерле сәламәтлектә каршы алынган һәр туган көн сөенече бик азларга елмая. Нәкъ менә шундый кешеләрне бәхетле картлыкта гомер кичерә, дип әйтәләр. Районыбыз территориясендә озын гомерле кешеләргә хөрмәт күрсәтү күркәм традиция булып дәвам итә. Бүген Норма авылында яшәүче Шәрәфетдинова Зөлхәбирә Исхак кызы һәм Биктәш авылында яшәүче Терентьева Елизавета Алексеевна 94 яшьлек матур гомер бәйрәмнәрен билгеләп уздылар. Ихтирамга лаеклы өлкәннәребезне туган көннәре белән ихластан котлыйбыз! Киләчәк тормышыгызда да кадер-хөрмәткә төренеп, иминлектә, сәламәтлектә яшәгез!