Балтач районы — хезмәт сөючән һәм тырыш кешеләр төбәге. Араларында бер-берсенә булган с... — 7 июля 2026 г. в 11:18:32.410
Балтач районы — хезмәт сөючән һәм тырыш кешеләр төбәге. Араларында бер-берсенә булган саф мәхәббәтенә гомере буе тугры калып, яшьлектә биргән вәгъдәләренә тап төшермичә, тормышның катлаулы сынауларын һәм сикәлтәле юлларын иңне-иңгә кулып узган, гаилә учагын бүгенге көнгә кадәр сүндерми саклаган соклангыч парлар аерым урын алып тора. Алар — үзләренең сабырлыгы, зирәклеге һәм намуслы хезмәте белән генә түгел, ә бәлки тирә-юньдәгеләргә карата булган кайгыртучанлыгы, олы йөрәкле булулары белән дә башкаларга чын мәгънәсендә яшәү үрнәге. Күркәм гаиләләр — районыбызның алтын фонды, аның таянычы һәм горурлыгы. Нәкъ менә аларның фидакарьлеге, татулыгы һәм уртак тырышлыгы нәтиҗәсендә төбәгебез үсә, матурая һәм чәчәк ата. Без мондый гаярь, ныклы никахларда тупланган зирәк тормыш тәҗрибәсе һәм буыннардан-буынга күчеп килүче рухи байлык белән хаклы рәвештә горурлана алабыз. Районыбыз авыл җирлекләрендә гомер кичерүче үрнәк гаилә парларын Балтач муниципаль районы башлыгы урынбасары Наил Нургаяз улы Сабирҗанов котлап узды.