Бүген районыбызга VIII чакырылыш Россия Дәүләт Думасы депутаты, Төзелеш һәм торак-комму... — 24 июля 2026 г. в 15:43:53.001
Бүген районыбызга VIII чакырылыш Россия Дәүләт Думасы депутаты, Төзелеш һәм торак-коммуналь хуҗалык комитеты әгъзасы Илья Святославович Вольфсон эш сәфәре белән килде. Илья Святославович район башлыгы Рамил Нотфуллин белән берлектә Ренат Гафиуллин җитәкчелегендәге «Время Ягод» крестьян-фермер хуҗалыгында булды. Бу гаилә династиясе дистә еллар дәвамында район икътисадын үстерүгә зур өлеш кертә. Бүген алар Европа питомникларының рәсми вәкиле буларак, бөтен Россияне югары сыйфатлы виктория рассадалары белән тәэмин итә. Сәфәр барышында җитәкчеләр Норма урта мәктәбендә барган төзекләндерү эшләренең барышы белән дә таныштылар. Ремонт финиш сызыгына якынлаша, ә уку елы башланыр алдыннан сафка керәчәк яңа янкорма балаларга тагын да яхшырак шартларда белем алу мөмкинлеге бирәчәк. Мәктәп директоры Ләйсән Фәрит кызы Гатауллина педагогик коллектив, әти-әниләр исеменнән Илья Святославовичка рәхмәт сүзләре җиткерде.