Пÿрне хуçнăшăн 60 пин тенкĕ тÿлемелле тунă
Пÿрне хуçнăшăн 60 пин тенкĕ тÿлемелле тунă Благовар районĕн прокуратури вырăнти ял хуçалăх предприятийĕнче ĕç сыхлавне (охрана труда) мĕнле йĕркеленине тĕрĕсленĕ. 2024 çултхи декабрьте пĕр рабочи хăй тĕллĕн кăшман тиекен погрузчика юсама тытăннă. Хуçалăх ĕртÿçисем ăна сăнаса тăман, çав вăхăтра арçын техника хăрушсăрлăх нормисене те пăхăнман пулмалла. Çапла майпа ĕçленĕ вăхăтра вăл сылтăм аллин пĕр пÿрнине хуçнă. Хĕн курнă çын каярах предприятинче ĕçлеме пăрахнă, анчах та прокуратура ăна хÿтĕлеме пултарнă, компание суда панă. Суд ĕçпе тивĕçтерекене, арçынна сиен кÿнĕшĕн, 60 пин тенкĕ компенсаци тÿлемелле тунă. Паянхи кун тĕлне çак укçана ăна парса татнă.
101 просмотров