🔔 Бүген чыгарылыш сыйныф укучылары өчен дулкынландыргыч бәйрәм - соңгы кыңгырау чыңлап... — 26 мая 2026 г. в 11:20:04.308
🔔 Бүген чыгарылыш сыйныф укучылары өчен дулкынландыргыч бәйрәм - соңгы кыңгырау чыңлап, егет-кызларны олы юлга озата. 🔔 Соңгы кыңгырау чыңлый Менә тагын бер ел үтеп китте, Тарихларда калыр үткәннәр. Күрәсезме, сабый балаларны Егет-кызлар булып җиткәннәр. Бар да җитди бүген, сизәсезме? Кая качкан шаян бала чак? Бар да сизә: соңгы кыңгырау бит Олы юлга озатып калачак. Ак алъяпкыч бүген соңгы тапкыр Бизәп торыр сылу кызларны. Кыңгырау да фатихасын биреп, Озатачак бүген улларны. Укытучы изге теләк теләр, Күңелендә аның - яхшылык. Озатып калыр, киңәшләре тулы Тормыш юлламасын тапшырып. Бәйрәм бәйрәм инде: гөл-чәчәкле, Тик шулай да моңсу күңелгә. Мәктәп шулай язын уңыш җыя, Шул тантана менә бүген дә. Фәридә Җәмилева, Исәнбай авылы. 📷 Дуслар, сездән дә соңгы кыңгырауда төшкән матур фотоларны көтеп калабыз комментарийларда😉