Көҙгө кеүек тигеҙ тын һыуҙа үҙ шәүләһен күргәс, ҡыҙ аҙ ғына ҡарап торҙо. Шуҡланып, яңы ...
Көҙгө кеүек тигеҙ тын һыуҙа үҙ шәүләһен күргәс, ҡыҙ аҙ ғына ҡарап торҙо. Шуҡланып, яңы ай кеүек дуғаланып торған нәҙек ҡаштарын һикертеп ҡуйҙы, шәүлә лә шулай итте. Ҡыҙ йылмайҙы. Һыу өҫтөндәге һөйкөмлө йөҙ ҙә, түңәрәк биттәр уртаһында нәфис соҡорҙар хасил итеп, шаян, мөләйем төҫ алды. Вәлиә оҙон ҡара сәс толомон елкәһенә табан күсерҙе, тулышып торған ирендәрен бөрөштөрә биреп шәүләһе менән үсекләште лә ике ҡулын да һыуға тыҡты. Шәүлә, әллә нисә киҫәккә ватылған көҙгө кеүек, селпәрәмә килде. https://ejansura.ru/articles/hikaya/2025-09-18/ibel-s-sk-4393557
72 просмотров