Бүген, 25 сентябрь көнне, «Әлмәт» иҗтимагый-мәдәни үзәгендә Татарстан Республикасының З...
Бүген, 25 сентябрь көнне, «Әлмәт» иҗтимагый-мәдәни үзәгендә Татарстан Республикасының Зәй, Тукай һәм Әлмәт районнарына оештырылган фольклор-этнографик экспедиция нәтиҗәләренә һәм «Кама аръягы бизәкләре» документаль фильмының презентациясенә багышланган «түгәрәк өстәл» утырышы узды. 💫 ☝🏻Исегезгә төшерәбез, экспедиция Татарстан Республикасының Зәй, Тукай һәм Әлмәт районнарында үтте һәм Кама аръягы керәшеннәренең традицион киемен өйрәнүгә багышланды. Өч көн эчендә 7 авыл җирлеге өйрәнелде. Экспедициянең максаты — керәшеннәрнең мәдәни мирасын, аерым алганда, традицион киемнәрен саклау һәм актуальләштерү иде. Экспедиция барышында кыйммәтле материаллар җыелды: традицион кием, бизәкләр, фотосурәтләр, өлкәннәрнең истәлекләре язып алынды, заманча мәдәнияттә традицион киемнең кулланылышы күзәтелде. Бу зур хезмәтнең нәтиҗәсе буларак «Кама аръягы бизәкләре» документаль фильмы дөнья күрде. 🎥👏🏻 Фольклор-этнографик экспедицияне үткәрүдә бәяләп бетергесез ярдәм күрсәткән, керәшеннәрнең традицион мәдәниятен саклаучы һәркемгә зур рәхмәтебезне белдерәбез.