Горнай улууһугар субу күннэргэ оҕо саадын иитээччилэрин икки ардыгар саамай күүстээх, д... — 11 апреля 2026 г. в 03:39:16.099
Горнай улууһугар субу күннэргэ оҕо саадын иитээччилэрин икки ардыгар саамай күүстээх, дьоҕурдаах педагогтары түмэр «Сыл бастыҥ иитээччитэ – 2026» куонкурус муниципальнай түһүмэҕэ түмүктэннэ. Бу икки күннээх педагогтар уустук түһүмэхтэрэ дьиҥнээх бырааһынньыкка кубулуйда. Уон бастыҥ улууспут оҕо саадтарыттан бэйэлэрин идэлэригэр бэриниилээх, саҥаны айар талааннаах педагог куонкуруска кытынна. Кинилэр бары бэйэлэрин үлэлиир ньымаларын уонна оҕону таптыыр ураты иэйиилэрин көрдөрдүлэр. Биһиги уһуйаантан биир бастыҥ, уопуттаах иитээччибит Кириллова Мария Анатольевна кытынна. Кыттааччылар оҕолору кытта аһаҕас дьарыктары, төрөппүттэри кытта үлэни, оттон бэйэ-бэйэлэригэр ааптарскай ньымаларын билиһиннэрэр маастар-кылаастары ыыттылар. Дьүүллүүр сүбэ иитээччилэр методическай сатабылларын эрэ буолбакка, оҕону кытта тыл булунар дьоҕурдарын уонна ис сүрэхтэн иитиини сыаналаата. Мария Анатольевна идэлээх дьүүллүүр сүбэ үрдүк сыанабылын ылан, «Оҕо сүрэҕин иитээччитэ» диэн анал номинациянан бэлиэтэннэ. Бу — кини оҕону сүрэҕинэн-быарынан таптыыр, иитэр үлэтин үрдүк бэлиэтэ. Эҕэрдэлиибит!!! Бу ситиһии — эн оҕолуун алтыһыыҥ, кинилэр эппэтэх эрээри, санааларын иэйиилэрин таба тайанар, сүрэххиттэн тахсар иһирэх иитииҥ түмүгэ. Коллектив эн курдук дьоҕурдаах, оҕону таптыыр, идэтигэр бэриниилээх үлэһиттээх буолан, куруук киэн туттар. Эн оҕо сүрэҕэр сырдык уоту саҕар, кинилэр уйулҕаларын сайыннарар, үтүө майгыга иитэр үтүө дьыалан үрдүктэн үрдүккэ тахса турдун! Инникитин даҕаны айар кутуҥ арыллан, саҥаттан саҥа ситиһиилэри, үөрүүлээх түгэннэри баҕарабыт.