Марий Эл деч Федераций Советыште сенатор Сергей Мартынов Шернур кундемыш миен. — 5 сентября 2026 г. в 13:41:08.160
Марий Эл деч Федераций Советыште сенатор Сергей Мартынов Шернур кундемыш миен. Тушто капитально олмыктмо дечын вара школым аклен. Тунемме верым 1989 ийыште чоҥеныт да 1341 йочалан келыштареныт. Кызыт Н.Заболоцкий лӱмеш 2-шо номеран школ ты округышто ик эн кугу. Кызыт школышто 800 утла йоча тунемеш, нунын дене 90 утла педагог пашам ышта. 2025 ийыште тушто леведышым тӧрленыт, а тений школым капитально ачаленыт. Подрядчик шокшым пуышо, вӱд, электроснабжений да вентиляций системым уэмден. Тунемме верым у мебель да оборудований дене пойдареныт. Тиде пашам «Молодежь и дети» нацпроект дене шуктеныт. Сергей Мартынов палдарен: ынде поселкышто илыше йоча-влакынат оласе семынак йӧнан да кызытсе жаплан келшыше оборудований дене пойдарыме тунемме верышт уло. (📸 Шернур районысо администраций)