Юрий Зайцевын темлымашыже дене Оршанкыште «Онкопатруль» акций лиеш. — 5 сентября 2026 г. в 10:41:07.351
Юрий Зайцевын темлымашыже дене Оршанкыште «Онкопатруль» акций лиеш. Ты кундемыш миймыже годым вуйлатыше верысе депутат-влак дене вашлиймаште специалист-влакын еҥ-влакым тергымашышт нерген ойлен. Профильный ведомство тиде йодышым рашемден да кундемыш лекташ мобильный бригадым чумырен. 7 сентябрьыште 9:00 гыч 13:00 шагат марте Оршанка рӱдӧ эмлымверыште онколог, гинеколог, дерматолог, стоматолог да УЗИ врач приемым эртарат. Тидын дене пырля 12 сентябрьыште «Онкопатруль» Козьмодемьянскыште пашажым шуя. 9:30 гыч 14:00 шагат марте онкоуролог, онкогинеколог, онкомаммолог, онколог, дерматолог, стоматолог да УЗИ врач–влак еҥ-влакын тазалыкыштым тергат. «Онкопатруль» проект Марий Эл Вуйлатыше Юрий Зайцевын темлымашыже дене «Таза Республик» проект дене келшышын эртаралтеш. Акцийын тӱҥ шонымашыже – муниципал образованийлаште еҥ-влакын тазалыкыштым тергаш келыштаралтын.