Учуутал нэдиэлэтин маанылаах маҥнайгы күнэ ураты ис хоһоонноох уонна дууһаны хамсатар т...
Учуутал нэдиэлэтин маанылаах маҥнайгы күнэ ураты ис хоһоонноох уонна дууһаны хамсатар тэрээһининэн саҕаланна😍👏 Бу бэлиэ күн, күндү учууталбыт Ксенофонтов Анатолий Васильевич үйэлээх үлэтин үрдэтэр, кини айымньылаах суолун уһатар соруктаах оҥорбут киинэбитин маҥнайгынан оҕолорго көрдөрдүбүт уонна кини туһунан сырдык ахтыыны тиэрдэр кэпсэтиилэри ыыттыбыт🙌🏻☺️Учууталбыт олорон ааспыт олоҕо, хаалларбыт баай үлэтэ — бу оҕо аймахха үйэлэргэ умнуллубат сырдык сулус буолар. Кини саҕалаабыт үлэтин сөргүтэн, саҥа таһымҥа таһаарбыт айар үлэбит түмүгүн кэнчээри ыччаппыт наһаа истиҥник уонна дириҥ өйдөбүллээхтик ылынна. Учуутал аата үйэлэргэ өлбөөдүйбэт, кэнчээри ыччат сүрэҕэр сырдык суолу тэлбит үтүөтэ хаһан да умнуллуо суоҕа, кини саҕалаабыт дьыалата өрүү уһуо уонна сайдыа🙏🏻☺️ Оҕолор харахтара умайарыттан, кинилэр дириҥник долгуйан истэллэриттэн уонна көрөллөрүттэн биһиги өйдөөтүбүт: Учууталбыт дьыалата тыыннаах🙏🏻Кини хаалларбыт сырдык суола бүгүн киинэ нөҥүө оҕо сүрэҕэр силис тардан, саҥалыы тылынна. Кини үтүө аата уонна сүдү үлэтэ умнуллубат үйэлэниитэ бу — биһиги ытык иэспит буолар🙌🏻 Үлэни бэлэмнээн оҕолорго көрдөрдүлэр Н.И. Прокопьев аатынан Хатыы орто оскуолатын иһигэр эдэр учууталлар түмсүүтүн хамаандата: Dabaan_Studio