Агро-оскуолабыт эр дьоно хотон тутуутугар субботниктаатылар🪓🔨
Агро-оскуолабыт эр дьоно хотон тутуутугар субботниктаатылар🪓🔨 Тыа сиригэр оҕону үлэҕэ иитии, бэйэ ас-үөл өттүнэн хааччыныыта уонна үйэлээх үгэстэри тутуһуу хаһан баҕар инники күөнүгэр турар. Бу хайысханан ураты суолталаах, агро хайысхалаах үлэни ыытар Н.И. Прокопьев аатынан Хатыы орто оскуолата, агро-оскуолабытыгар өссө биир кэрэ-бэлиэ уонна туһалаах тэрээһин буолан ааста👍🏻 Оскуолабыт бэйэтин хаһаайыстыбатын кэҥэтэр, ис кыаҕын улаханнык туһанар сыалтан, урукку уопсай дьиэни сөргүтэн, хотон тутан, хороҕор муостаахтары кыстыкка киллэрээри бэлэмнэнэр👍🏻 Бу тутууну түмүктүүр үлэтин күүһүрдэр сыалтан, оскуолабыт эр дьоно, учууталлара уонна үлэһиттэрэ биир киһи курдук сомоҕолоһон, күүстээх субботникка таҕыстылар. Эр дьон сыстаҕас үлэлэринэн, көмөлөөн-күүстэһэн үлэни хас да төгүл түргэтэттилэр. Сүбэлэһэн, биир тылынан уонна күүһүнэн үлэлээбит үлэ үрдүк түмүктээх буолара саарбахтаммат. Агро-хайысхалаах оскуолаҕа саҥа хотон тутуллан үлэҕэ киириитэ — бу оҕолорбут практическай билиини ылалларыгар, тыа чахчы хаһаайыстыбатын тутулун кыра эрдэхтэриттэн өйдүүллэригэр уонна үлэни таптыылларыгар улахан тирэх буолуоҕа🙌🏻 Оскуолабыт сайдыытын туһугар бэйэлэрин бириэмэлэрин уонна күүстэрин харыстаабакка, үтүө холобуру көрдөрбүт бар дьоммутугар, оскуолабыт эр дьонугар дириҥ махталы биллэрэбит✊🏼 Биһиги күүспүт — сомоҕолоһууга🤝