Оскуолаҕа бэйэни салайыныы күнэ ааста👏
Оскуолаҕа бэйэни салайыныы күнэ ааста👏 Алтынньы ый саҕаланыыта биһиги оскуолабытыгар ураты сэргэхсийиини аҕалла. Учуутал күнүн көрсө, оскуолабытыгар үгэскэ кубулуйбут Бэйэни салайыныы күнэ үрдүк таһымнаахтык ааста. Бу күн үрдүкү кылаас үөрэнээччилэрэ бэйэлэрин дьиҥнээх салайааччы быһыытынан уонна уһуйааччы быһыытынан боруобаланан көрдүлэр. Оскуола дуоһунастарыгар биһиги бастыҥ үөрэнээччилэрбит турдулар. Кинилэр уруоктары бэлэмнээһиҥҥэ, бэрээдэги кэтээһиҥҥэ уонна тэрээһин боппуруостарыгар олус эппиэтинэстээхтик сыһыаннастылар. Бу күн директор дуоһунаһыгар 10 кылаас үөрэнээччитэ Н.И. Прокопьев аатынан Хатыы орто оскуолатын президента Анисимов Дьулустаан турда👍🏻 Эдэр учууталлар уруоктарын бэрткэ ыыттылар,ол курдук: • Кыра кылаастарга интэриэһинэй уонна туһалаах уруоктары ыыттылар. • Уруок кэмигэр саҥа ньымалары, оонньуулары туһаннылар. • Оҕолор бары көхтөөхтүк кытыннылар. Үрдүкү кылаастар бу эппиэтинэстээх сорудаҕы бэртээхтик толордулар. Кинилэр учуутал үлэтэ төһөлөөх ыараханын, ол эрээри төһө интэриэһинэйин бэйэлэрин үрдүлэригэр билэн көрдүлэр. Бу күнү тэрийсибит уонна көхтөөхтүк кыттыбыт оҕолорбутугар, үөрэнээччилэрбитигэр махтал👏😍