Арассыыйа Геройа Андрей Григорьев (Тута) биһиги агро-оскуолабытыгар 9 ынаҕы туттарда👍🏻
Арассыыйа Геройа Андрей Григорьев (Тута) биһиги агро-оскуолабытыгар 9 ынаҕы туттарда👍🏻 Үүнэр көлүөнэни үлэҕэ-хамнаска уһуйар, сир ийэбит үтүө үгэстэрин салҕыыр Н.И. Прокопьев аатынан Хатыы агро-оскуолабыт олоҕор өссө биир дьоһуннаах уонна устуоруйаҕа киирэр үөрүүлээх түгэн үүннэ👍🏻 Биһиги киэн туттар киһибит, хорсун быһыытынан дойду үрдүнэн аатырбыт Арассыыйа Геройа, АБДЬ кыттыылааҕа Андрей Николаевич Григорьев (Тута) агро-оскуолабыт үлэтин-хамнаһын үрдүктүк сыаналаан, оҕолорбут практическай сатабылларын өссө үрдэтэллэригэр анаан мааны ынаҕы туттарда. Бу суолталаах бэлэх биһиги иитиллээччилэрбитигэр тыа сирин үлэтигэр улахан кынат, күүс-көмө уонна сүдү холобур буолар. Геройбут бэйэтэ тыа сирин үлэтин ис хаанын билэр, инникитин фермер буолар былааннаах буолан, оҕолор иитиилэригэр ураты болҕомтотун уурара барыбытын үөрдэр уонна долгутар. Кини үтүө санаалаах, кэскиллээх хардыыта оскуолабыт иһинэн тэриллибит кыра хаһаайыстыбабыт кэҥииригэр, оҕолорбут тус бэйэлэринэн сүөһү көрүүтүн-истиитин, сири-уоту кытта үлэни дириҥник билэллэригэр улахан төһүү буолуоҕа. Н.И. Прокопьев аатынан Хатыы агро-оскуолатын салалтатын, учууталларын уонна бары үөрэнээччилэрин аатыттан убаастабыллаах Геройбутугар, хорсун биир дойдулаахпытыгар Андрей Николаевичка ис сүрэхтэн тахсар махталы тиэрдэбит🙏🏻Эһиги уурбут итэҕэлгит, көмөҕүт хаһан да умнуллуо суоҕа, оҕолорбут дойдуларын таптыыр, үлэһит мааны дьон буола улаатыахтара🙏🏻 Баҕарабыт Андрей Николаевичка уонна кини дьиэ кэргэнигэр кытаанах доруобуйаны, айымньылаах былааннара барыта олоххо киирэллэригэр уонна бар дьонун туһугар үтүө үлэтэ өссө да үрдүктүк сыаналанарыгар👍🏻