Ыам ыйын 22 күнүгэр 2025-2026 үөрэх дьылын түмүгүнэн үөрэххэ, научно-практическай конфе...
Ыам ыйын 22 күнүгэр 2025-2026 үөрэх дьылын түмүгүнэн үөрэххэ, научно-практическай конференцияларга, спортка, кэрэ эйгэҕэ бастыҥ көрдөрүүлээх, актыбыыс уонна үөрэх дьылын түмүгүнэн үчүгэй, туйгун сыанаҕа үөрэммит үөрэнээччилэри чиэстиир “2025-2026 үөрэх дьылын бастыҥнара” тэрээһин буолан ааста. Үөрүүлээх күҥҥэ кэлбит ыалдьыттары, үөрэнээччиллэри, учууталлары 2 кылаас кэлэктиибэ, Алена Косыгина ылбаҕай ырыаларынан уонна “Тэлээрис” үҥкүү ансаамбыла эҕэрдэлээтилэр. Үөрэххэ бастыҥнарынан Лия Павлова (4 кыл.), Саяна Окорокова (7 кыл.), Арылхан Сокольников (9 кыл.) ааттаннылар, научно-практическай конференцияларга бастыҥнар кэккэлэригэр Аман Сокольников (3 кыл.), Слава Белолюбскай (8 кыл.) уонна Адриан Петров (10 кыл.) киирдилэр. Бастыҥ спортсменнарынан буоллулар: Карина Артахинова (4 кыл., дуобат), Вова Николаев (7 кыл., дуобат), Настя Стручкова (10 кыл., дуобат), Юра Стручков (8 кыл., мас тардыһыы) уонна Ярослав Петров (11 кыл., мас тардыһыы). Кэрэ эйгэҕэ бастыҥнарынан Алисия Иванова (2 кыл.), Ярик Степанов (8 кыл.) уонна Руслан Михайлов (11 кыл.) ааттаннылар. Сыл устата араас тэрээһиннэргэ көхтөөхтүк кыттан “Активист года” анал ааты Алгыстаан Попов (4 кыл.), Айсена Степанова (8 кыл.) уонна Алина Охлопкова (11 кыл.) ыллылар. Ол курдук, уопсайа 41 оҕоҕо үөрэххэ дьулуурун, туйгун үөрэҕин иһин грамоталары уонна сэмэй бэлэхтэри оскуола дириэктэрэ Кирилл Дмитриевич Титов туттарда. Оҕолору үрдүк ситиһиигэ бэлэмнээбит учууталлары, төрөппүттэри сыралаах үлэҕит сыаналаммытынан итиитик-истиҥник эҕэрдэлиибит. Үөрэнээччилэргэ инникитин да үрдүк ситтиһиилэри, саҥаттан саҥаны айа-тута сылдьаргытыгар уонна үрдүк чыпчааллары дабайаргытыгар баҕарабыт. хаартыскалары салгыы бу сигэнэн киирэн көрүҥ: https://disk.yandex.ru/d/ewCafr7LAiZ4aQ Арылхан Сокольников, 9 кылаас, “Үктэл” медиа-киин