САХА ӨРӨСПҮҮБҮЛҮКЭТИН КҮНҮГЭР АНАЛЛААХ ЛИНЕЙКА — 28 апреля 2026 г. в 08:24:10.932
САХА ӨРӨСПҮҮБҮЛҮКЭТИН КҮНҮГЭР АНАЛЛААХ ЛИНЕЙКА Муус устар 27 күнэ – Өрөспүүбүлүкэ олохтоохторугар инникитин быһаарбыт, кэрэни түстүүр бэлиэ күнэ. Бу күн 1922 сыллаахха Саха чулуу уолаттара Максим Аммосов, Былатыан Ойуунускай, Исидор Барахов, Степан Аржаков, биир дойдулаахпыт Кузьма Гаврилов уонна да атын судаарыстыбаннай уонна уопсастыбаннай үлэһиттэр Саха Автономнай Сэбиэскэй Социалистическай Өрөспүүбүлүкэтин төрүттээбиттэрэ. Бу бэлиэ күн чэрчитинэн оскуолабытыгар үөрүүлээх линейка буолан ааста. Линейка буоларын курдук, Саха Өрөспүүбүлүкэтин өрөгөй ырыатыттан саҕаланна. Х төгүлүн ыытыллыбыт “Символы Якутии: Я – патриот” өрөспүүбүлүкэтээҕи олимпиадаҕа көхтөөх кыттыыларын иһин 1-8 кылаас үөрэнээччилэрэ туоһу суругунан наҕараадаланнылар. Наҕараадалары Мэлдьэхси нэһилиэгин бибилэтиэкэрэ Мария Григорьева туттарда. Үөрэнээччилэри “Сахам сирэ” ырыанан 6-с кылаас үөрэнээччилэрэ эҕэрдэлээтилэр. Маны таһынан, кылаас чаастарыгар Саха сирин туһунан кылаас салайааччылара кэпсээтилэр, оҕолор устуоруйаны кэрэхсээн иһиттилэр, олус элбэҕи биллилэр, дуоһуйдулар. Сахабыт сирэ үйэлэри уҥуордаан сайда-чэчирии турдун!