Ыам ыйын 23 күнүгэр А.В. Чугунов аатынан Мэлдьэхси орто оскуолатыгар үгэскэ кубулуйбут,... — 24 мая 2026 г. в 07:36:12.253
Ыам ыйын 23 күнүгэр А.В. Чугунов аатынан Мэлдьэхси орто оскуолатыгар үгэскэ кубулуйбут, сылын ахсын ыытыллар үөрэнээччилэр туристическай слеттара ыытылынна. 1-8, 10 кылаас үөрэнээччилэрэ 4 хамаандаҕа арахсан күөн көрүстүлэр. Оскуола инниттэн Турслет ыытыллар сиригэр диэри станцияларынан сорудах толорон тиийдилэр. Хамаандалар салгыы «Туристическая тропа», «Ореинтирование по карте» уонна «Чэй өрүүтүгэр» күрэхтэстилэр. Эбиэт кэмигэр «Кыһыл көмүс сымыыт», онтон тимир көлөлөөхтөргө велосипед күрэҕэ ыытылынна. Ол түмүгэр алын сүһүөхтэргэ иккис кылаас уерэнээччитэ Алгыстаан Игнатьев, орто сүһүөхтэргэ Вова Николаев, 8, 10 кылаастарга Адриан Петров уонна кыргыттар икки ардыларыгар Протопопова Юлиана кыайыылаахтарынан ааттаннылар. Кылаастарынан норуоттар сомоҕолоһуутун сылыгар анаммыт бивуак киэргэтиитигэр алын кылаас үөрэнээччилэригэр 2 кылаас коллектива, 5-8, 10 кылаас үөрэнээччилэригэр 6 кылаас коллектива кыайыылаахтарынан ааттаннылар. Хамаанданан күрэххэ Сайаан Тарабукин хамандыырдаах 4 хамаанда муҥутуур кыайыылаах аатын сүктэ. Тэрээһини тэрийбит учууталларбытыгар, минньигэс пловунан күндүлээбит оскуолабыт төрөппүттэригэр барҕа махталбытын тиэрдэбит! Сокольникова Сайнаара, Окорокова Саяна «Үктэл» медиа-киин