Ахтылҕан күннэр…
Ахтылҕан күннэр… Ыам ыйын 7 күнэ – сэрии сылларын туһунан билиилэри хаҥатар күн буолла. Мэлдьэхси оскуолатын түмэлин салайааччыта Надежда Карловна Андросова бэлэмнээбит Аҕа Дойду Улуу сэриитин туһунан быыстапкатын үөрэнээччилэр улахан сэҥээриилээхтик көрдүлэр, элбэх саҥаны биллилэр. Сэрии киинэтэ – ыар кэм чахчыларын, саллаат хорсун санаатын уонна дьылҕатын көрөөччүгэ тиэрдэр, үйэлэргэ умнуллубат айымньы. Ол күн «Үктэл» медиа-киин “Сир ийэ билбэтин...” диэн киинэни көрдөрөн, сэрии кэмин өссө дириҥник өйдүүргэ көмөлөстө. Ыам ыйын 8 күнүгэр алын кылаас үөрэнээччилэригэр нэһилиэктэн Аграфена Васильева, Мария Птицына уонна Надежда Андросова сэрии туһунан сырдаттылар. Сокольникова Сайнаара 8 кылаас «Үктэл» медиа-киин
238 просмотров