Мэлдьэхсигэ «Манчаары сиэттэрэ» спартакиада волейболга күрэҕэ🏐
Мэлдьэхсигэ «Манчаары сиэттэрэ» спартакиада волейболга күрэҕэ🏐 Тохсунньу 30-31 күннэригэр «Манчаары сиэттэрэ» комплекснай спартакиада II бөлөҕүн волейболга зачеттуур күрэҕэ Мэҥэ Хаҥалас уулуһун Мэлдьэхси нэһилиэгэр ыытылынна. Күрэх бастакы күнүгэр Мэлдьэхси, Ходоро, Наахара, Тиэлиги, Табаҕа, Доллу, Бүтэйдээх, Балыктаах, Хорообут, Тыыллыма орто оскуолаларын кыргыттарын волейболга сүүмэрдэммит хамаандалара күөн көрүстүлэр. Күүстээх, тыҥааһыннаах киирсии түмүгэ: 1 миэстэ - Р.А. Бурнашев аатынан Табаҕа орто оскуолата, 2 миэстэ - Дмитрий Таас аатынан Хорообут орто оскуолата, 3 миэстэ - К.О. Гаврилов аатынан Бүтэйдээх орто оскуолата. Күрэх иккис түмүктүүр күнүгэр, Мэлдьэхси, Тыыллыма, Табаҕа, Тиэлиги, Ходоро, Хорообут, Бүтэйдээх, Наахара, Доллу орто оскуолаларын уолаттарын волейболга хамаандалара олус тыҥааһыннаахтык күөн көрүстүлэр. Күүстээх киирсии кэннэ: 1 миэстэ - А.В. Чугунов аатынан Мэлдьэхси орто оскуолатын, 2 миэстэ - Р.А. Бурнашев аатынан Табаҕа орто оскуолатын, 3 миэстэ - А.А. Пахомов аатынан Тиэлиги орто оскуолатын уолаттарын волейболга сүүмэрдэммит хамаандата буолары ситистилэр. Тренердэри, волейболист оҕолору үрдүк ситиһиилэринэн эҕэрдэлиибит! Инникитин да үрдүктэн үрдүк ситиһиилэри, чыпчааллары дабайа тураргытыгар! Арылхан Сокольников, 9 кылаас, Мэлдьэхси орто оскуолата, “Үктэл” медиа – киин