👩🏫👏🏻Ытыктабыллаах А.В. Чугунов аатынан Мэлдьэхси орто оскуолатын учууталлара, бары...
👩🏫👏🏻Ытыктабыллаах А.В. Чугунов аатынан Мэлдьэхси орто оскуолатын учууталлара, бары педагогическай үлэһиттэр! 📚Эһигини барыгытын бүгүҥҥү ытык идэлээх бырааһынньыккыт күнүнэн - Учуутал күнүнэн итиитик-истиҥник эҕэрдэлиибит! 🏫Бу үөрүүлээх күн эһиги үтүө үлэҕит, оҕоҕо бэриниигит, кэнчээри ыччаты иитиигэ, үөрэтиигэ киллэрэр кылааккыт үрдүктүк сыаналанар. Эһиги хас биирдии оҕоҕо билии уотун уматаҕыт, кинилэр кэлэр кэскиллэрин олугун уураҕыт, олох суолугар сирдиигит. 🎓Эһиги ытык үлэҕит билии эйгэтин эрэ тарҕатыыга буолбакка, киһи киһи буоларыгар, дойдутугар бэриниилээх киһи буола улаатарыгар көмөлөһөҕүт. Оҕо-аймах эһиги сылаас сүбэҕитинэн, үтүө холобургутунан салайтаран, үүнэр-сайдар. 🙌🏻Баҕарабыт эһиэхэ чөл туругу, дьолу-соргуну, үлэҕитигэр үрдүк ситиһиилэри, талааннаах үөрэнээччилэри! Ыраас ыра санааҕыт туоллун, үлэҕит үтүө түмүктэри аҕаллын! Дьиэ кэргэҥҥитигэр эйэ, дьол, уйгу куруук баар буоллун! Махтал эһиэхэ, ытыктабыллаах учууталлар! 👩🏫🫶🏻