5 август көнне Әтнэ балалар сәнгать мәктәбенең хореография бүлеге укытучысы Бариев Була... — 11 августа 2026 г. в 07:33:37.754
5 август көнне Әтнэ балалар сәнгать мәктәбенең хореография бүлеге укытучысы Бариев Булат Марат улы, “Чулпан” ял һәм сәламәтләндерү лагерендә Милли хәрәкәт" дигән мавыктыргыч мастер-класс уздырды. Укытучы балаларны бию сәнгатенең серләре белән таныштырды һәм аларның иҗади сәләтен ачуга ярдәм итте. Мастер-класс биюнең нигез хәрәкәтләрен өйрәнүдән башланды. Укытучы балаларга хореографиянең әһәмияте, аның кеше тормышындагы роле турында сөйләде. Дәрес барышында катнашучылар төрле бию элементларын, аларның дөрес башкарылуын үзләштерделәр. Аерым игътибар милли биюләргә юнәлтелде. Балалар татар халык биюләренең гүзәл дөньясына төшенделәр, аларның нигез хәрәкәтләре белән таныштылар. Укытучы аларга хәрәкәтләрнең аңлатылышын, аларның мәгънәсен һәм башкару үзенчәлекләрен күрсәтте. Мастер-класс балаларның иҗади үсешенә, хәрәкәтләрне координацияләү сәләтенә уңай тәэсир итте. Ләкин иң мөһиме - балалар бию аша үз мәдәниятләрен яңача ачтылар, милли хәрәкәтләрнең матурлыгын һәм байлыгын тойдылар. Бу очрашу балалар өчен чын бүләк булды! Алар зур теләк белән өйрәнделәр, биеделәр һәм күп яңа белемнәр алдылар. #летовтатарстане #адши #этнэсэнгатьмэктэбе