Күндү Сүлэ нэһилиэгин дьоно-сэргэтэ! — 23 июня 2026 г. в 11:49:06.116
Күндү Сүлэ нэһилиэгин дьоно-сэргэтэ! Бэс ыйын 20-21 күннэригэр Степан Васильевич Васильев 130 сылыгар аналлаах «СОМОҔО КҮҮС. ТАЛБА ТАЛААН. ҮРДҮККЭ ДАБАЙЫЫ» алгыс ыһыаҕар биир киһи курдук сомоҕолоһон кыттыыны ылан, 18 нэһилиэк иһигэр төрдүс миэстэ буолбуппутунан истиҥник эҕэрдэлиибит! Бу ситиһии — эһиги көхтөөх кыттыыгыт, таһаарыылаах үлэҕит, сыралаах күүс-көмөҕүт түмүгэ буолар. Махталбытын биллэрэбит: 🔸Түһүлгэни киэргэтиигэ уонна быыстапкаҕа кыттыбыт дьоммутугар; 🔸 «Хорчуоппа» икки күнү быһа тохтоло суох үлэлииригэр нэһилиэкпит бары ийэлэригэр- асчыттарбытыгар, атыыһыттарбытыгар; 🔸Оһуокайга, тойукка, олоҥхоҕо нэһилиэк чиэһин көмүскээбит кыттааччыларбытыгар; 🔸«Ньурба Боотура» дэгит күрэххэ кыайыылаах тахсыбыт Шойдак Начынҥа; 🔸Ат сүүрдүүтүгэр нэһилиэк аатын көмүскээбит Капитон Ивановичка, Аркадий Михайловичка; 🔸Татьяна Николаевна Алексеева салайааччылаах "Айылгы" үҥкүү бөлөҕөр; 🔸Үс күн тохтоло суох үлэлээбит суоппардарбытыгар; 🔸 Биһигини өйөөбүт, күүс-көмө буолбут спонсордарбытыгар, бары Сүлэ олохтоохторугар! Үрдүк наҕараада ылбыт Надежда Геннадьевна Филипповаҕа уонна Юрий Самуилович Николаевка истиҥ эҕэрдэбитин тиэрдэбит! Сүлэ нэһилиэгин сомоҕолоһуута, кэскиллээх үлэтэ-хамнаһа өссө үрдүк ситиһиилэри аҕаллын! Барыгытыгар барҕа махтал, чэгиэн доруобуйаны, дьолу-соргуну баҕарабыт!