Семен Степанович Егоров-Оһоокой Сэмэн 95 сылыгар аналлаах «Кулуба түһүлгэтин олоҥхото» ... — 23 июня 2026 г. в 11:09:53.878
Семен Степанович Егоров-Оһоокой Сэмэн 95 сылыгар аналлаах «Кулуба түһүлгэтин олоҥхото» күрэх оройуоннааҕы түһүмэххэ Семенова Айна Николаевна кыттан, бастакы үрдэл кыайыылааҕа аатын сүгэн, Н.И. Харитонов — Николай Чуор аатынан «Кыталык» КД туруорбут анал бирииһин — 20 000 солк. сэртипикээти тутта. Ыһыах арыллыытыгар Сүлэбит дьоно чиэстэннилэр: «Ньурба оройуонун култууратын сайдыытыгар кылаатын иһин» бэлиэнэн култуура үлэтин өрүү өйүүр, биир бастыҥ успуонсарбыт, «Байар» салайааччыта Надежда Геннадьевна Филиппова, «Саха Өрөспүүбүлүкэтин автотранспортын бочуоттаах үлэһитин» бэлиэнэн өр сылларга суоппарынан үлэлии сылдьар Юрий Самуилович Николаев наҕараадаланнылар. Итии истиҥ эҕэрдэ үрдүк наҕараада ылбыттарбытыгар! Үлэҕитигэр үрдүк ситиһиилэри, таһаарыылаах үлэни баҕарабыт! «Айыы Тайбыт» култуура киинэ «Киэргэллээх түһүлгэбит маанылаах симэҕэ» хаппар күрэҕин тэрийсээччилэринэн буолан, Татьяна Николаевна Алексеева салайааччылаах «Айылгы» үҥкүү бөлөҕө хаппар үҥкүүнэн күрэҕи арыйдылар. Ону таһынан «Айылгы» үҥкүүһүттэрэ алгыска, «Сомоҕолоһуу — кэскилбит тирэҕэ» кэнсиэргэ ёхор уонна оһуокай үҥкүүнү, кымыс иһиитин сиэригэр-туомугар кыттыыны ыллылар. «Ньурбам миэнэ — Айыы сирэ» кэнсиэркэ Раиса Алексеевна Иванова Сүлэ нэһилиэгин гимнын «Айыы Тайбыт» ыллаата. Үс күн тохтоло суох сүүрдүбүт, улахан малы-салы, кыттааччылары уонна аһылыгы таспыт тимир көлөлөөх суоппардарбытыгар махталбытын биллэрэбит: Яковлев Дьулустаан Юрьевичка, Васильев Артем Ивановичка, Николаев Юрий Самуиловичка, Иванов Артем Прокопьевичка, Антонов Михаил Сергеевичка, Винокурова Наталья Борисовнаҕа. Бу курдук бары барытыгар көхтөөхтүк, ситиһиилээхтик кыттан, Сүлэ нэһилиэгэ 18 нэһилиэктэн уопсай түмүгүнэн төрдүс миэстэ буоллубут. Сомоҕолоһуу ыһыаҕар Сүлэлэр сомоҕолоһуулара үрдүк ситиһиини аҕалла! ✍️Марина Герасимова