✨«Урал батыр» эпосы декадаһы: ҡыҙыҡлы спорт ярыштары һәм сәнғәт күргәҙмәһе. — 4 июня 2026 г. в 19:10:47.803
✨«Урал батыр» эпосы декадаһы: ҡыҙыҡлы спорт ярыштары һәм сәнғәт күргәҙмәһе. Бөгөн беҙҙең гимназияла «Урал батыр» эпосына арналған декаданың мауыҡтырғыс сараларының береһе — ырыуҙар араһында спорт ярышы үтте. Байрамға ысын күңелдән әҙерләнгән балалар төрлө һынауҙарҙа: күҙ бәйләп көршәк ватыу, арҡан тартыу, мәргәнлек һәм етеҙлектә үҙҙәренең оҫталығын, тапҡырлығын һәм команда менән эшләй белеүҙәрен күрһәтте. Ярыш ҡыҙыу барҙы. Иң күп мәрәй йыйып, "Тамъян" ырыуы еңеп сыҡты. Икенсе урынды "Ҡатай" ырыуы яулаһа, өсөнсө призлы урын "Үҫәргән" ырыуына бирелде. Еңеүселәр һәм бөтә ҡатнашыусылар ҙа тәмле приздар менән бүләкләнде. ✨Спорт ярыштарынан тыш, декада сиктәрендә уҡыусылар «Урал батыр» эпосы буйынса һүрәттәр төшөрҙө. Эштәр матур итеп күргәҙмәгә ҡуйылды. Һәр рәсем — батырҙар рухы, тыуған ергә мөхәббәт һәм халыҡ ижадына ихтирамды сағылдырған матур ижад емеше. Гимназиябыҙҙа «Урал батыр» эпосына арналған саралар балаларҙы рухи яҡтан байыта, ваҡытты күңелле һәм файҙалы итеп үткәрергә мөмкинлек бирә. #Уралбатырэпосыкөнө2026 #Башҡортгимназияһы