Койхне ванфтовихть — 31 июля 2026 г. в 13:46:00.632
Койхне ванфтовихть Атерь велень Восточнай ульцяса инь няевикс вастса ащи сери нюрямсь. Сонь кувалмоц вете метрада лама. Тя нюрямть перьфке сембодонга лама ломаньда уленди Очижиста и лия оцю праздникста, мзярда райцентрань эряйда башка сашендыхть вели ваймама ошень эряйхть. Фкясь озай нюрямти, кафттне лездыхть теенза. Аф эрь ломанць озай нюрямти, сяс мес тя тевсь пяк пелькс. Да и лафча шумбрашисовок аф содасак мезе лиси мархтот. Сяс и нюрямть ваксса сяда сидеста няят шабат и од ломатть. Васенда тяфтама нюряпт ульсть эрь мокшень и рузонь велеса. Кой-кона велетнень эса кафтонь, колмонь и сяда ламонь. Кепотьксокс ащесть Кяшалсь, Колапонанясь, Пичепулонясь, Атерсь. Виде, тяни фкя сери нюрям ули Пичепулоня велеса. В.И.Панькинонь эряма вастонц каршеса. Но сонь ваксстонза ломатть няят пяк шуроста. Лятфтаса эсь идькс пингозень. Шачема велесон ламоль нюрямда. И синь тевфтома ашесть ащекшне. Ульсь нльне тяфтама мяль. Кодама Очижи нюрямфтома. Нюряпнень ваксс велеряйхне путнесть ярхцамбяль мархта шрат. Кштисть-морасть, фкя-фкянь каванясть. Тяни тяфтама, конешна, аш. Владимир Ермишев.