Ваймось фалу од — 11 июня 2026 г. в 15:08:01.178

Ваймось фалу од ⁣ ...Великай Эрьзя эсь произведениянзон вельде ёрась содамс эсь прянц, сяс тяшкава сидеста покодсь автопортреттнень лангса. Мастерти эрявсь няфтемс ваймопотмоть, од ломанень цифтордомать, кона кяшф потмоса, аф ваномок кизонзон лангс. Эсь потмоширенц сон няфтезе содаф «Автопортретть» вельде (1947 к.). Скульптурать тиевома пингста Эрьзянди ульсь кафксогемонть малава. Портретть эса минь няйхтяма аф сире, а од ломань. Тя творецть ваймонь одксшинц вии тердемац. Тяфтама контрастонь няфтемаса сонць Эрьзя генийсь: аф пефтома эряфсь сотови аф юмай искусствать мархта, шачфтомок образ, конанди сави эрямс пефтома пингса.