Педагог профессиясь тячи — 11 июня 2026 г. в 13:07:00.733
Педагог профессиясь тячи Россияса касы мяльсь педагогонь профессияти. Россияса покоди 1 млн. лама учитель, а педагогическяй направлениясь сувси инь вешевихнень ёткс. Тячи педагогикась – тя профессия сятненди, кинь мялец аф аньцек макссемс содамошит, но и улемс пяльксокс оцю полафтксненди. «Молодежь и дети» национальнай проектть коряс сембе странать келес тиендевихть условият педагокнень цебярь работаснонды и профессиональнай касомаснонды: пуропневи тяниень пингонь образовательнай среда, строявихть и педа-пес петевихть школатне, келепневихть учительхнень ширеснон кирдемань мератне, улихть эрь ковонь пандомат класснай руководительх- ненди и воспитаниянь коряс директоронь советникненди, виияфневи квалификациянь касфтомань системась. Вешфкссь педагогическяй образованияти странаса касы. 2025-це кизонь приёмнай кампаниять итогонзон коряс Россиянь Минпросвещениянь педагогическяй вуснень эса бюджетнай васттненди конкурссь няфтсь 12 заявления 1 вастти. А российскяй школатнень эса тячи покоди 346 тёжяньда лама учитель 39 кизоти молемс, мезсь тиенди 32,5% педагокнень марстонь лувксснон эзда. «Минь задачаньке – кирдемс сятнень ширеснон, кит кочксесазь учителень кить, тиемс условият профессиональнай касоманди-виияманди и няфтемс, што тяниень пингонь школась – тя возможностень пространства. Учительхнень ширеснон кирдеманц коряс цебярь работать вельде, тяконь лувксса «Молодежь и дети» национальнай проектть эряфс ётафтомац, минь няйхтяма пара результат. Школатненди сашендыхть лац аноклаф специалистт, конат содасазь тяниень пингонь технологиятнень, ноляйхть тевс цифровой инструментт и анокт сувафнемс тонафнемати од малаткшнемат. Тя эрявикс ресурс образованиянь сембе системать виияфтоманкса», – отмечазе Российскяй Федерациянь просвещениянь министрсь Сергей Кравцов. Тяниень пингонь школась максси педагогти возможность тиемс-ладямс профессиональнай касомань эсь кинц: квалификациянь касфтомать и тяниень пингонь технологиятнень урокса тевс нолямаснон эзда сявомок, педагогическяй мастерствань конкурснень эса участвондамати и профессиональнай кить-янть полафтоманцты молемс. Аф ваномок вишкста тиендеви полафткснень лангс, тонафнемань од средстватнень и тяниень пингонь технологиятнень эвондамаснон лангс, тонафтыть эрявикс вастоц тонафтомань процесса ляткшни апак полафтт. Ули педагогическяй образованиянь информационнай портал «Будьучителем.рф ». Сон сятненди, кит ванондсазь тя направлениять касомань-вииямань профессиональнай вастокс. Площадкась лезды кочкамс колледж или вуз, содамс профессиональнай касомань-вииямань возможносттнень колга. Мордовия Республикась и «Знание» Российскяй обществась кемокстасть сотрудничендамать колга соглашения. Документть алу кядьснон путозь Мордовиянь Оцюнясь Артём Здунов и «Российское общество «Знание» Общероссийскяй общественно-государственнай просветительскяй организациять генеральнай директороц Максим Древаль. Ётай кизонь итокнень коряс Мордовиясь сувась лидерхнень лувксс ётафтф просветительскяй мероприятиятнень лувксснон коряс «Знание» Российскяй обществать кядяла. 1200-да лама лекциянь, викторинань, кинонь няфтемань и интеллектуальнай налхкомань участникокс арасть пцтай 94 тёжянь региононь эряй. Аньцек тяддень васенце кварталста мероприятиятнень лувкссна арась ни 470 лама, а синь участниктост—36 тёжянь. Регионца эрязста ётафневихть эряфс Обществань сембе васенцекс ащи проекттне—Знание. Лекторий, Знание. Премия, Знание. Авторы, Знание. Академия. Лекторкс эрсихть Мордовиянь 300-да лама представитель—СВО-нь ветератт, синь ётксост «Герои среди СВОих» региональнай кадровай программань финалистт, вузонь ректорхт, властень исполнительнай и законодательнай ступенень, муниципалитетонь представительхть, педагокт и журналистт. Ульсь азф, што региононь 12№ школась арасть сяськикс тядянь-алянь сообществань инициативань конкурсть омбоце сезононц эса и получасть ярмаконь премия эсь проектснон эряфс ётафтоманкса 200-500 тёжянь цалковаень лувксса.