Минь «Мокшень правдать» инкса — 11 июня 2026 г. в 14:32:01.154
Минь «Мокшень правдать» инкса Аф лама пинге ётазь аделави «Мокшень правдати» сёрматфтомась. Минь оцю мяльса сёрматфнеськ и сёрматфнесаськ эсь кяльсонк лисенди газетать. И мзярдовок нинге ашеме каендакшне. Газетась пяк мялезонк. Эсонза лама сельмос пови материалда. Минь пяк кельгсаськ ся статьятнень, коса азондови велень эряфть, трудонь кельги ломаттнень колга. Пара мяльса лувондсаськ пеетькснень и пеетькс пакшкятнень. Видеста азомс, кеветиеце, кемготувоце лопанятнень эзда и ушеткшнесаськ газетать лувоманц. Синь улендихть пяк козят материалса. Мезе аньцек тяса аш. Мекольдень пингть интереснай материалхт макссевихть мокшень велетнень, синь историяснон, козя койснон-обуцяснон колга. И тя пяк пара. Газетась аф юкснесыне и мошенникнень. Тя кизефкссь пяк оржа. И тянь каршес эряви тюремс. Ши аф ётни сяфтома, штоба кивок афоль гайфте. Мезе аньцек аф кошярясамазь тиемс. Газетась эрь номерсонза пачфни сянь квалма, кода аф повомс мошенникнень ульмонязост, кода ванфтомс пря ня аеркснень эзда. Миньге содатама ломатть, конатнень васькафтозь мошенникне. Сяс мяленьке тяфтама: газетаса максф советтне фалу кирдемат мяльса, штоба аф повомс мошенникнень ульмонязост. Газетась лама азонкшни Мордовиянь семьятнень колга. Тя эряви тиендемс и сяда тов. Гордость марятама земляконьконь инкса, мзярда оцю семьятненди Россиянь Президентсь В.В.Путин, Республикань Оцюнясь А.А.Здунов максыхть оцю государственнай казнет. Минь миртть-рьват «Мокшень правдать» инкса. Сёрматфтость сонь, кие нинге ашезе сёрматфта. Каендама аф карматада. Фёдор Храмов, Зинаида Храмова, Атерь велень эряйхть.