Тя минь историяньке — 31 июля 2026 г. в 13:28:01.111

Тя минь историяньке ⁣ ОСОВЕЦ КРЕПОСТТЬ АРАЛАЕНЗА ⁣ 1915 кизоня 6 августста Осовец крепостть аралаенза, конатнень каршес немецне нолдазь пелькс гаснень, кеподсть контратакас. Врагсь сяшкава дивандась рузонь солдаттнень кемошиснонды и аф пелемаснонды, што кадозе тюремань паксять. Историянь тя фактсь ляды мялямса кода «кулофнень атакасна». ⁣ Осовец крепостсь—рузонь опорнай крепость (комендантсь генералсь К.А.Шульман) ульсь Северо-Западнай фронтть тылса. 1914 кизоня сентябрть кучкаста немецне, панемок Восточнай Пруссияса рузонь тапаф армиятнень мельге, васенцеда лиссть Осовецть малас. Эсонза ульсь аньцек 304-це Новгород-Северскяй полксь, солдаттне ашесть сатне, штоба занямс сембе укреплениятнень. Но противниксь тя направленияса вятсь няфтемань тюремат, аф содамок, кода крепостьса тефне ащихть афкукс. 26-29 сентябрьста сон ляцендезе Осовецть и нльне фатязе Сосненскяй позициять, но сяльде потась фронтса полафткснень инкса. Омбоцеда противниксь маладсь Осовецти 1915 кизоня тялонда, мзярда Восточнай Пруссияса ащи 10-це рузонь армиясь сяськфоль. Немецнень мяльсноль арамс сядовок виикс. 25 февральста—3 мартста синь ляцендезь Осовецть (комендантокс теенза арась генералсь Н.А.Бржозовский). Эста лиссь мялень салай фкя случай: кемамок сяськфокс аф улемати, немецне мярьгсть комендантти максомс крепостть ярмак лангс. Теест атказафоль, эста противниксь ушедсь давол лаца ляцендема, нолдамок 200000 снаряд. 6 августста (24 июльста) противниксь ушедсь крепостть перьф укреплениянь штурм, тяконь лувксса Сосненскяй позицияса. Башка мяль шарфтфоль гаснень (хлорть) тевс нолдамаснонды. Врьгятемась ушедсь 6 августста шобдава. Немецне панчсть артиллерийскяй тол. Рузонь войскатнень ульсть марлянь противогазовай соткссна, но синь аф пяк лездсть. Боецнень пялешкасна отравиндавсть. Н.А.Бржозовскяень мяленц коряс, гарнизонць аралавсь сяс, мес шобдавась летьколь, и газсь ётась болотатнень, ведьса пяшкотьф лоткнень вельхкска. Газть нолдамдонза меле немецне васенда кучсть разведчикт и штурмонь группат. Но синь тисть аф пяк лама. Кой-коса синць повсть гаснень алу, а лия направленияса теест ашесть сязев пролопонь перяфксне. Тя пингть крепостьста артиллериять лезксонц вельде контратакас кучфтольхть колма ротат. Афкуксонь геройкс ульсь подпорудчикть Котлинскяень 13-це ротац. Цебярь ширде прянц няфтезе прапорщикть Тидебелень 14-це ротац. Крепостсь катфоль аньцек 23 августста.