Бүгүн Саха Өрөспүүбүлүкэтин Бочуоттаах кырдьаҕаһа, сэрии сылларын оҕото, Саха сирин тыа...
Бүгүн Саха Өрөспүүбүлүкэтин Бочуоттаах кырдьаҕаһа, сэрии сылларын оҕото, Саха сирин тыатын хаһаайыстыбатын бэтэрээнэ, бастакы Баатара нэһилиэгин Бочуоттаах олохтооҕо Ким Николаевич Неустроев үбүлүөйдээх 90 сааһын томточчу туолбутунан улуус баһылыгын, салалтатын, дьокутааттарын Сэбиэтин үтүө үлэһит дьоно-сэргэтин ааттарыттан итиитик-истиҥник эҕэрдэлиибит! Ким Николаевич 1936 сыллаахха Баатара нэһилилиэгэр күн сирин көрбүтэ. Сэттэ кылаас үөрэхтэнэн, оҕо сааһа сэрии сылларга ааһан, улахан дьону кытта тэҥҥэ үлэлэһэн, Улуу Кыайыыны уһансан, үлэни өрө тутан кэлбит үтүө киһибит. Билигин икки кыыстаах, биир уоллаах, 7 сиэн, 3 хос сиэн тапталлаах эһэтэ. Эн дьоһун олоххунан, үлүскэн үлэҕинэн, үтүө санааҕынан дьон-сэргэ ытыктабылын ылаҕын. Саха киһитин олоххо күүстээх тапталын, ханнык да ыарахаттартан чаҕыйбакка, иннин диэки эрэ барар дьүккүөрүн, үлэһит сүрэҕин Эн хоһуун холобургар көрөбүт. Сааһыҥ тухары үлэни өрө тутан, тыа сиригэр тыа хаһаайыстыбата сайдыытыгар үтүө суобастаахтык үлэлээн-хамсаан биир дойдулаахтарын махталларын, ытыктабылларын ылаҕын, үтүө холобур буолаҕын. Ытыктыыр киһибитигэр, сыралаах, таһаарыылаах үлэтигэр истиҥник махтанан туран, дьолу-соргуну, өрүү чэбдик сылдьаргар, инникитин даҕаны кэнчээри ыччакка үүннээх-тэһииннээх үтүө тылгын иһитиннэрэ, сүбэ-ама буола тураргар баҕарабыт! Тус бэйэҕэр уонна чугас дьоҥҥор чэгиэн туругу, этэҥҥэ буолууну, эйэлээх халлааны, бары үтүөнү! Мэҥэ Хаҥалас улууһун дьаһалтатын пресс-сулууспата