#КУЛТУУРА СОНУННАРА — 8 июля 2026 г. в 01:15:02.272
#КУЛТУУРА СОНУННАРА 🌿🌿🌿 ҮС ӨРҮС ТАРДЫЫЛААХ, УУ ЧАЛГЫЙ КУТТААХ КЭБЭЭЙИГЭ – САХА СИРИН ТЭБЭР СҮРЭҔЭР ыытыллыбыт Олоҥхо ыһыаҕыгар СӨ судаарыстыбаннай сүбэһитэ, Арктикатааҕы эпос уонна искусство киинин генеральнай директора Андрей Саввич Борисов уонна Үөһээ Бүлүүтээҕи "Норуот айымньытын киинин" - Олоҥхо дьиэтин директора Изабелла Петровна Саввинова биэс сыл устата бииргэ үлэлэһэр туһунан сөбүлэһиигэ илии баттастылар. Онон, Олоҥхо Ыһыаҕын ыытыытынан эрэ муҥурдаммакка, "Олоҥхо дьиэлэригэр" быйылгыттан күүстээх хамсааһын саҕаланна диэн бүтэйдии үөрүөҕү уонна эрэниэҕи баҕарыллар. Бу олус дириҥ суолталаах, наһаа улахан үөрүүлээх уонна дьоһуннаах түгэн чэрчитинэн, Олоҥхо ыһыаҕар анаан ыытыллыбыт тэрээһиҥҥэ Үөһээ Бүлүүтээҕи делегация кыттааччыларыттан 6 эр киһи, эдэр кэскиллээх үлэһит - Уйгулаана Гаврильева туруоруутунан, Саха киһитэ тыатааҕыны бултаан сиир сиэрин–туомун көрдөрдүлэр. 🌿🌿🌿 Култуура сонуннарыгар суруттарыӈ: https://vk.ru/wall-217643497_2734