💠Бүгүн улуустааҕы тыа хаһаайыстыбатын управлениетын планеркатыгар үөрүүлээх түгэн буолла. — 7 июля 2026 г. в 13:53:09.972
💠Бүгүн улуустааҕы тыа хаһаайыстыбатын управлениетын планеркатыгар үөрүүлээх түгэн буолла. Тыа хаһаайыстыбатын управлениетын начаалынньыга Семен Семенович Васильев улуус Үрүҥ Тунах ыһыаҕыгар ат сүүрдүүтүн күрэҕигэр 4800 миэтэрэҕэ ат сүүрдэн 3-с миэстэни ылбыт өбүгэ үгэһин өрө тутан илдьэ сылдьар Тамалакаан орто оскуолатын 6-с кылааһын үөрэнээччитигэр Сайынаара Саввиноваҕа чаҕылхай ситиһиитинэн эҕэрдэлээн туран, анал бэлэҕи- бастыҥа, илин кэбиһэр уонна ытарҕа туттарда. Инникитин даҕаны ат сүүрдүүтүн спордунан дьарыктанан, өбүгэбит дьарыгын- сылгы иитиитин салҕаан, сахалыы сайдам санаалаах, сайаҕас киһи буола улаат диэн баҕа санаатын тириэртэ. Биэс сааһыттан бэйэтэ атын аһатан, көрсөн, миинэн, күн бүгүн уһун дистанцияларга күрэхтэргэ кыттар нап- нарын кыысчаан Сайынаара маны таһынан саха фольклоругар уһуйуллан, норуот ырыаларын ыллыырын сөбүлүүр. Иллээх- эйэлээх, сахалыы тыыннаах, сүөһүлээх, сылгылаах, дьиэ кэргэҥҥэ оҕо тапталга, төрүт дьарыкка сыстан, сатабыллары баһылаан улаатар. #Тыахаһаайыстыбата #Төрүтдьарык