Мөслим балалар сәнгать мәктәбенең вокал сәнгате бүлеге укытучысы, Татарстанның атказанг... — 4 июня 2026 г. в 11:36:11.119
Мөслим балалар сәнгать мәктәбенең вокал сәнгате бүлеге укытучысы, Татарстанның атказанган мәдәният хезмәткәре Гөлназ Йосыпова Казан шәһәрендә узган «Балалар сәнгать мәктәбенең иң яхшы укытучысы» бөтенроссия һөнәр бәйгесенең төбәк этабында катнашып, район данын яклады. "Чыгышында Гөлназ Моряковна жюри әгъзаларына үзенең иҗади һәм педагогик эшчәнлеге турында сөйләде, күпьеллык хезмәт юлын һәм укучыларының уңышларын тәкъдим итте. Аеруча бүген Татарстан Республикасында танылган артистлар, сәнгать мәктәбенең чыгарылыш укучылары — Рөстәм Гыйльфанов, Айгөл Гардисламова, Алсу Таҗетдинова (ALSU LI), Нәргиз Камалов һәм башкалар турында бәян итте", - диелә сәнгать мәктәбеннән алынган хәбәрдә. Фотолар - Мөслим балалар сәнгать мәктәбеннән. #мәдәният