Гадәтләргә аудит: тормышыгызда тәртип ясагыз!
Гадәтләргә аудит: тормышыгызда тәртип ясагыз! Телефонны кирәкмәгән файллардан чистартабыз, киемнәрне барлыйбыз, эш өстәлен тәртипкә китерәбез. Ә гадәтләребезгә аудитны кайчан ясадык? Көн саен автомат рәвештә кабатлый торган кайбер гамәлләребез инде файда китерми. Алар вакытыбызны һәм көчебезне бик күп ала. 15 минутта гадәтләрегезне тикшереп карагыз: Көн саен уйлап тормыйча башкара торган 10 гамәлегезне языгыз. Мәсәлән, иртән уянуга социаль челтәрләрне карау яки йоклар алдыннан рилслар карап утыру. Һәр гадәткә карата җавап бирегез: «Бу тормышымны яхшыртамы?» Әйе / Юк / Битараф. «Юк» дип җавап биргән 1–2 гадәтегездән баш тартыгыз. Аларны башка нәрсә белән алыштыру мәҗбүри түгел. Гади генә итеп тормышыгыздан сызып ташлагыз. Кайвакыт тормышны яхшырту өчен яңа гадәтләр өстәргә түгел, ә кирәкмәгәннәреннән арынырга кирәк. Ә сезнең кайсы гадәтегез иң күп вакытыгызны ала? Комментарийларда языгыз! Фото – ясалма фәһем.