📚Улуус оскуолаларын үрдүнэн биллэриллибит хас чэппиэр аайы ыытыллар библиотечнэй мараф... — 22 мая 2026 г. в 10:42:16.659
📚Улуус оскуолаларын үрдүнэн биллэриллибит хас чэппиэр аайы ыытыллар библиотечнэй марафон "Книжный таймер" Күүкэй оскуолатыгар биир төгүрүк сылга 30 ааҕыы тохтобула ыытылынна. Барыта 1237 киһи хабылынна. "Ааҕыы тохтобула" ыытыллыбыт сыала үөрэнээччини ааҕыыга угуйуу, эбии ааҕыыны көҕүлээһин. Маны таһынан эбии ааҕыыга интэриэһи үөскэтии, күүһүрдүү буолар. Ааҕыынан билиини-көрүүнү, араас литература көрүҥнэринэн кэҥэтии, тыл баайын сайыннарыы, төрөөбүт тылга уонна атын омуктар культураларыгар ытыктабыл эмиэ киирэр. Үлэ сүрүн былааныгар сыһыаран араас тиэмэлэри хабан ыытылынна. Оскуола бибилэтиэкэтигэр киирбит саҥа кинигэлэр, уус-уран айымньылар оҕолорго билиһиннэрилиннилэр.Үлэ түмүгүнэн ааҕыы көрдөрүүтэ биллэ үрдээтэ, ордук алын кылаас үөрэнээччилэрэ көхтөөхтөрө бэлиэтэннэ. Аҥардас ааҕыынан эрэ муҥурдаммакка оонньуулары, викториналары киллэрэр ордук сэргэхситэрэ көһүннэ. Телевизор нөҥүө ааҕыы, аудиоаҕыы тэриллэн ыытыллынна, бу көрүҥ ордук биһирэнэрэ көһүннэ. Ааҕар кинигэ ахсаана аҕыйаҕа, анал бириэмэ суоҕа күргүөмүнэн ааҕыыга ыарахаттары үөскэтэрэ бэлиэтэннэ. Ол иһин материаллар, информациялар копияланан туттулуннулар. "Ааҕыы тохтобула" - бу сыл устата ыытыллыбыт үлэ түмүгүнэн, үөрэнээччилэр сайдалларыгар, эбии билэллэригэр төрүөттээх тэрээһин буолар. Бу үлэ салгыы сайдан, чочуллан, инникитин эдэр ыччаппытыгар сырдык суолу тэлэн, кэрэни кэрэхсииргэ үөрэтэр бырайыак буолуон сөп эбит.