Бэс ыйын 25 күнүгэр А.К.Акимов аатынан Күүкэй политехническай хабааннаах орто оскуолаты... — 25 июня 2026 г. в 12:26:53.278
Бэс ыйын 25 күнүгэр А.К.Акимов аатынан Күүкэй политехническай хабааннаах орто оскуолатыгар 4 үөрэнээччи оскуоланы түмүктүүр өрөгөйдөөх тэрээһиннэрин ыыттылар. Кылаас салайааччыта уруһуй, технология учуутала, норуот маастара Харитонова С.А. бастакы выпуһун көтүттэ. Оҕолор бары үөрэммит сылларын устатыгар араас хабааннаах тэрээһиннэргэ көхтөөхтүк кыттар оскуола, нэһилиэк киэн туттуулара этилэр, уолаттар Алмаас Никифоров, Егор Харитонов волейболга Сунтаар улууһун сборнайыгар киирсэн улуус чиэһин элбэхтик көмүскээбиттэрэ. Бүгүн оскуоланы бүтэрээччилэргэ үйэлээх үгэс быһыытынан Граннар туттарылыннылар. Ол курдук,киэн туттар биир дойдулаахпыт экономическай наука доктора, профессор, биллиилээх политическай диэйэтэл Акимов А.К. Гранын Алмаас Никифоров, Күүкэй бастакы оскуолатын сэбиэдиссэйэ буойун учуутал Осипов Н.С. Гранын Анжелина Александрова, Күүкэй оскуолатыгар нуучча тылын учууталынан үлэлээбит, Петровтар династияларын төрүттэспит Федорова Н.М. Гранын Трофимова Нарияна, Күүкэй нэһилиэгин элбэх оҕолоох ийэтэ Николаева О.К. Гранын Егор Харитонов ыллылар. Ону таһынан спортка үрдүк ситиһиилэрдээх Никифоров Алмааска спорт ветерана Федоров А.А., Егор Харитоновка Күүкэй нэһилиэгин администрациятын Анал стипендиялара тигистилэр. Мустубут ыалдьыттар оҕолору олох саҥа кэрдииһигэр атаарар кэс тыллары эттилэр, араас хабааннаах оонньуу-көр, минньигэс астаах фуршет быыһыгар истиҥ ахтыылар ахтылыннылар. Күндү оҕолорбут!Ханна да сырыттаргыт, ханна даҕаны үлэлээтэргит төрөөбүт дойдугут, улуускут киэн туттарын курдук олороргутун, үлэлииргитин суолталыаххыт диэн эрэнэбит.