«БҮЛҮҮ — КУЛТУУРА БИҺИГЭ» ырыа идэ бастыҥ ырыатынан ааттанна! — 30 апреля 2026 г. в 02:29:32.692
«БҮЛҮҮ — КУЛТУУРА БИҺИГЭ» ырыа идэ бастыҥ ырыатынан ааттанна! Өрөспүүбүлүкэҕэ биллэриллибит култуура сылыгар анаан айыллыбыт Бүлүү култууратын үлэһиттэрин ырыата (СӨ култууратын үтүөлээх үлэһиттэрэ Надежда ИВАНОВА тыллара, Ольга КОРЯКИНА дьүрүлэ уонна Виктор АЛЕКСЕЕВ аранжировката, Ольга ПАВЛОВА видеоклиба) Саха сирин идэлээх Сойууһун 105 сылыгар аналлаах өрөспүүбүлүкэтээҕи үлэ ырыатын күрэҕэр 1 миэстэни ылла! Сахабыт сирин улуустарын, Дьокуускай куорат араас хайысхалаах тэрилтэлэрин идэлээх үлэһиттэрин 57 ырыалара киирбититтэн 26 нүөмэр түмүктүүр көрүүгэ ыҥырыллан күөн көрүстэ. Биһиги ырыабытын 8 киһиттэн састааптаах «АЙ-ЫЛЛАА» вокальнай ансаамбыл (сал. Ольга Корякина) үрдүк таһымнаахтык толорон бастыҥ ситиһиилэннэ. Ансаамбыл ыам ыйын 1 күнүгэр Үлэ, Маай, Эйэ бырааһынньыгар Доҕордоһуу болуоссатыгар үөрүүлээх тэрээһиҥҥэ кыттар чиэстэннэ. Бүлүүбүт култууратын үлэһиттэрин ырыата күннээх үөрүү бэлэхтии, куту-сүрү күүһүрдэ, кыайыыларга кынаттыы, түмсүүбүтүн түстүү турдун!