“Сахалыы эйгэ уонна төрүт култуура — оҕо сайдар тирэҕэ» төгүрүк остуол — 23 марта 2026 г. в 06:48:35.912
“Сахалыы эйгэ уонна төрүт култуура — оҕо сайдар тирэҕэ» төгүрүк остуол Кулун тутар ый 18 күнүгэр М.Н. Жирков аатынан оройуоннааҕы култуура Дыбарыаһыгар Бүлүү улууһун үөрэҕириигэ салалтатын, култуура сайдыытын уонна норуот айымньытын Оройуоннааҕы киинин тэрийиилэринэн “Сахалыы эйгэ уонна төрүт култуура — оҕо сайдар тирэҕэ» диэн төгүрүк остуол ыытылынна. Төгүрүк остуолу Бүлүү улууһун үөрэҕириигэ салаатын начальнигын солбуйааччыта Наталья ФИЛИППОВА арыйда. Билиҥҥи кэмҥэ глобализация, сыыппара үйэтигэр кэлэр кэнчээри ыччаппытыгар сахалыы тыыны хайдах иҥэрэбит, сахалыы эйгэни хайдах кэҥэтэбит диэн, үгүспүтүн долгутар боппуруос тула санааларын үллэһиннилэр:тыл үөрэҕин билимнэрин дуоктара, М.К.Аммосов аатынан Хотугулуу-Илиҥҥи бэдэрээлинэй үнүбүрсүтүөт бэрэпиэссэрэ, ССРС билимин Академиятын Сибиирдээҕи салаатын үтүөлээх бэтэрээнэ, Хомус Аан дойдутааҕы тэрилтэтин генеральнай сэкэрэтээрэ, Российскай Федерация култууратын үтүөлээх үлэһитэ, Саха Өрөспүүбүлүкэтин култууратын үтүөлээх үлэһитэ, Дьокуускай куорат, Бүлүү уонна Эдьигээн улуустарын, Кыргыдай нэһилиэгин Ытык киһитэ Иван Егорович АЛЕКСЕЕВ - Хомус Уйбаан, Саха Өрөспүүбүлүкэтин үтүөлээх артыыһа, Арассыыйа Бырабыыталыстыбатын "Душа России" бириэмийэтин лауреата, аан дойду биллиилээх виртуоз-хомусчута Альбина ДЕГТЯРЕВА, Саха Өрөспүүбүлүкэтин култууратын үтүөлээх үлэһитэ, хомусчут-импровизатор, Бүлүү куоратын Бочуоттаах олохтооҕо, Н.И. Ылахова аатынан «Алгыс” национальнай-култуурунай киин уус-уран салайааччыта Августина ЕВСЕЕВА, С.М.Аржаков аатынан тулаайах уонна төрөппүт харалтата суох хаалбыт оҕолорго көмө Киинин дириэктэрин солбуйааччыта, Бүлүү улууһун Оройуоннааҕы Сэбиэтин дьокутаата, улуустааҕы “Аҕа Сүбэтэ” уопсастыбаннай түмсүү бэрэссэдээтэлэ Юрий ТУТУКАРОВ, Н.Г. Чернышевскай аатынан Бүлүүтээҕи профессиональнай-педагогическай колледж алын кылаас учууталларын бэлэмниир салаа салайааччыта Сахаайа ВАРЛАМОВА, И.М.Гоголев-Кындыл аатынан улуустааҕы кииннэммит бибилитиэкэ оҕо бибилитиэкэтин сэбиэдиссэйэ Владилена СОФРОНОВА, Сэбиэскэй Сойуус Дьоруойа .Н.С. Степанов аатынан Бүлүүтээҕи үһүс нүөмэрдээх оскуола саха тылын учуутала Акулина ПЕТРОВА, Бүлүү куоратын дьаһалтатын “Прогресс” куорат хаһаайыстыбатын туһаныы сулууспата” муниципальнай автономнай тэрилтэ дириэктэрэ, куорат Сэбиэтин Сэбиэтин дьокутаата Валентин ИВАНОВ. Кэпсэтиигэ кыттыбыттар оҕоҕо сахалыы эйгэни тэрийии сүрүн хайысхаларынан төрөөбүт тылы харыстааһын уонна сайыннарыы, норуот төрүт үгэстэригэр сыһыарыы уонна үөрэтии, айылҕаны кытта алтыһыы, чөл олоҕу тутуһуу, норуот фольклорун нөҥүө айар дьоҕуру сайыннарыы буоларын бэлиэтээтилэр. Истээччилэр киниэр бэйэлэрин тустаах үлэлэрин билиһиннэрбиттэрин сэргээтилэр. Сахалыы төрүт эйгэбитин кэлэр кэскилбитигэр дьиэ кэргэнтэн, уһуйаантан саҕалаан, оскуолаҕа уонна тулалыыр эйгэ бары түмсэн үлэлээтэхпитинэ түмүктээх буолуо диэн сүбэлэстибит. И.Л. Кондаков аатынан Бүлүүтээҕи гимназия “Ай-тыын” үҥкүү бөлөҕө, Г.С. Донской аатынан Бүлүүтээҕи №2-дээх оскуола 4 кылааһын хомусчуттарын бөлөҕө эҕэрдэ нүөмэрдэри бэлэхтээтилэр. Түмүккэ Наталья Алексеевна улуус учууталларын ааттарыттан Иван Егоровиһы 85 сааһынан эҕэрдэлээтэ уонна махатанна. Төгүрүк остуолу култуура сайдыытын уонна норуот айымньытын Оройуоннааҕы киинин методиһа Надежда ИВАНОВА, И.Л. Кондаков аатынан Бүлүүтээҕи гимназия саха тылыгар уонна литературатыгар учуутала Лилия Васильевна СЕМЕНОВА, №1-дээх алын кылаас оскуолатын учуутала Татьяна ЧАБЫЕВА салайан ыыттылар. Надежда Иванова, Саха Өрөспүүбүлүкэтин култууратынүтүөлээх үлэһитэ, Арассыыйа суруналыыстарын Сойууһун чилиэнэ