нускай “Өрүөл кэриэһэ”, Харысхал “Сэрии тыйыс тыына”, Иван Гоголев-Кындыл поэзията, “Ү... — 23 марта 2026 г. в 06:52:27.759
нускай “Өрүөл кэриэһэ”, Харысхал “Сэрии тыйыс тыына”, Иван Гоголев-Кындыл поэзията, “Үөн” сыаҥка, М.Соколова бэйэтин дьүһүйүүтүгэр айыы санаалаах Англия сиэстэрэтэ Кэтт Марcдеҥҥа аналлаах “Таҥара ыыппыт аанньала», норуот учуутала Михаил Алексеев туһунан “Төлөннөөх сүрэх” быһа тардыыларыгар, Барыыһаба Ийэ монологар Маргарита Алексеевна айар үлэтигэр драмаҕа, трагедияҕа, комедияҕа, лирикаҕа, монодрамаҕа хайысхалара чаҕылхайдык аһылыннылар. Көрөөччүлэр ардыгар долгуйан, өрөгөйдөөн, абаран-сатаран, киэн туттан, уйадыйан да ыллыбыт. Көрдөрүүлэргэ норуодунай тыйаатыр артыыстара Ольга КОРЯКИНА, Людмила ЛЕОНТЬЕВА, Августина ЕВСЕЕВА, Мария АЛЕКСЕЕВА, Мария ОКОНЕШНИКОВА, Изабелла СЕРГИНА, Алена ИВАНОВА, Николай АФАНАСЬЕВ-АЙДАМАН, Василий ЯКОВЛЕВ, Александра ИВАНОВА, Александр ИВАНОВ-УОЛ СОМОҔО, Рудольф ТОМСКАЙ, Иван КИРИЛЛИН, Алена СПИРИДОНОВА, Саргылана ЕГОРОВА, Алексей БЫКАНОВ, Иннокентий НИКОЛАЕВ, Васиий НИКОЛАЕВ, Евгений ЗАХАРОВ, Семен ГРИГОРЬЕВ, Юлия ФЕДОРОВА, Кэрэмэн ИЛЛАРИОНОВ, Иван ТУЛАСЫНОВ, Степан ФЕДОРОВ, Альберт КУЗЬМИНОВ, Арина АЛЕКСЕЕВА, Мичийээнэ ИВАНОВА итэҕэтиилээхтик оонньоотулар. Н.Г. Чернышевскай аатынан Бүлүүтээҕи профессиональнай-педагогическай колледж устудьуоннара Серафим ИВАНОВ, Аркадий МЕГЕЖЕКСКЭЙ, Спиридон ИВАНОВ, Александр РУДЫХ, Яков ИСАКОВ кыттыыны ыллылар. Маргарита Алексеевна бэйэтэ Сайсары оруолун, артыыска Марфа ВАСИЛЬЕВА Аҕа дойдуну көмүскүүр Улуу сэриигэ биэс уолун сүтэрбит Балаҕаччы күн күбэй Ийэтэ Евдокия Яковлевна Барыыһаба монологун толоруулара көрөөччүлэр дууһаларын уйадытта. Г.М. Донской аатынан Бүлүүтээҕи №2-дээх оскуолаҕа үлэлиир оҕо тыйаатырын бөлөҕө норуот тыйаатырын иһигэр бэйэтин миэстэтин бигэргэппитин чуолаан бэлиэтиибин. Охсуһууну көрдөрөр уот кыһыл өҥүнэн күндээрийбит сыанаҕа П. Ойуунускай “Өрүөл кэриэһэ” хоһоонунан туруоруллубут композиция бу киэһэ биир чаҕылхай көстүүтэ буолла. Сүрүн ааҕааччы Айынаат АДАМОВ, кыһыл байыастар Слава ИВАНОВ, Миша АЛЕКСЕЕВ, Меркурий ТОМСКАЙ, Саян ТОМСКАЙ, Артур РОЖИН. Режиссер Мария ИВАНОВА туруоруутугар тыйаатыр биир сүрүн артыыһа МЭҤКЭР СЭМЭН ХАБЫРЫЫЛ УОЛА уонна тыйаатыр артыыстара кыттыылаах П. Ойуунускай “Ойуун түүлэ” айымньытынан дьүһүйүү уратытык көстөн көрөөччүлэр биһирэбиллэрин ылла. Бу түгэҥҥэ Ытык Бүлүү чулуу уола саха норуодунай бэйээтэ Иван Гоголев –Кындыл «Театр – тэлгэһэҕэ турар сэргэ. Оттон оһуора-бичигэ, ойуута-мандара артыыстара буолаллар. Онтон ол сэргэ төһөнөн үчүгэй оһуордаах-мандардаах, ойуулаах-бичиктээх даҕаны киһи соччонон сөбүлүүр, таптыыр уонна харыстыыр” диэн этиилээҕин саныы түстүм. Чахчы, тыйаатыр туллар тутаахтара – артыыстар. Бу сыллар усталарыгар төһөлөөх элбэт норуот талааннааҕа тыйаатырга оонньоон ааспыттара буолуой? Кинилэр Маргарита Алексеевна режиссер быһыытынан көрүүлэрин ситэрэн-хоторон, сүрэхтэрин нөҥүө аһардан туруорбут эрэли уонна сырдыгы бэлэхтиир испэктээктээхтэрэ тыйаатыры сэргээччилэр, көрөөччүлэр үрдүк биһирэбиллэрин ылыахтарын ыллахтара! Үлэлэриттэн быыс булан тыйаатырга оонньоон ааспыт, оонньуу сылдьар уйан, уран куттаах артыыстарбытыгар үгүрү-сүгүрү буолуохтун! Эҕэрдэ түһүмэҕэ. Маргарита Алексеевнаны эҕэрдэлиир, киниэхэ махтанар түһүмэх Саха Өрөспүүбүлүкэтин култууратын уонна духуобунай сайдыытын Миниистирэ Афанасий НОЕВ экраҥҥа эҕэрдэтиттэн саҕаланна. 2002-2007 сылларга Бүлүү улууһун баһылыгынан үлэлээбит Саха Өрөспүүбүлүкэтин тыа хаһаайыстыбатын Министирин солбуйааччыта Николай Степанович АФАНАСЬЕВ, билигин Чувашия Чебоксары куоратыгар олорор Саха сиринээҕи УФСИН начальнигын бастакы солбуйааччытынан үлэлээбит Геннадий Валентинович КАЧАЕВ, бэйээт, уопсастыбаннай диэйэтэл Уйбаан НИКОЛАЕВ-УХХАН анаан-минээн кэлэн эҕэрдэлээтилэр. Улуус баһылыгын промышленноска урнна инфраструктураҕа солбуйааччыта Эдуард ЭВЕРСТОВ, куорат баһылыгын солбуйааччыта Николай ИВАНОВ, Саха Өрөспүүбүлүкэтин Судаарыстыбаннай Мунньаҕын (Ил Түмэн) дьокутаата, П.А. Петров аатынан улуустааҕы киин балыыһа кылаабынай бырааһа Егор ГРИГОРЬЕВ, Кэт Марсден аатынан кырдьаҕастар