цияны Хаҥалас улууһун Өктөмнөөҕү норуодунай тыйаатыра (реж. Саха Өррөспүүбүлүкэтин култ... — 23 марта 2026 г. в 06:52:28.174
цияны Хаҥалас улууһун Өктөмнөөҕү норуодунай тыйаатыра (реж. Саха Өррөспүүбүлүкэтин култууратын туйгуна З.Е. Аржакова) уонна Горнай улууһун Бэрдьигэстээхтээҕи норуодунай тыйаатыра (реж. Саха Өрөспүүбүлүкэтин култууратын үтүөлээх үлэһитэ Е.И. Мартынова) ыллылар уонна П.Х. Староватов аатынан Бүлүүтээҕи кыраайы үөрэтэр түмэлин (дириэктэр Т.Н. Афанасьева), култуура үбиир идэлээхтэрин Сойууһун улуустааҕы кэмитиэтин (бэрэссэдээтэл А.А. Иванова) 5000-тии солк. бириистэрин туттулар. Үһүс истиэпэннээх Лауреат аатын Үөһээ Бүлүү улууһун О.В. Григорьева аатынан Боотулутааҕын оруодунай тыйаатыр (реж. Саха Өрөспүүбүлүкэтин култууратын туйгуна В.И. Буртахова) ылла, Бүлүү куоратын дьаһалтатын (баһылык Я.А. Попов) 10000 солк. бирииһинэн наҕараадаланна. Иккис истиэпэннээх Лауреат хаһаайынынан Бүлүү улууһун С.И. Иванов - Чочу Сэмэнин аатынан Чочутааҕы норуодунай тыйаатыр Вилюйского улуса (реж. С.В.Трофимова) буолла уонна 15000 солк. Кэтти Марсден аатынан Бүлүүтээҕи кырдьаҕастар уонна инбэлииттэр Дьиэлэрин (дириэктэр А.Е. Мандаров) бирииһин тутта. Бастакы истиэпэннээх Лауреат аатын кытта култуура сайдыытын уонна норуот айымньытын Оройуоннааҕы киинин 30000 солк. бирииһинэн Мэҥэ-Хаҥалас улууһун Майатааҕы Аркадий Новиков «Көөчөөн көрө» норуодунай тыйаатыра (реж. М.С.Терентьева) наҕараадаланна. Бэстибээл Кылаан кыайыылааҕын үрдүк аатын Тааһаҕардааҕы «Эгэлгэ» көр-күлүү норуодунай тыйаатыра (реж. М.Н. Шамаев) ылла уонна тэрийээччи Н. И. Ылахова аатынан "Алгыс" национальнай-култуурунай Киин (дириэктэр А.П. Спиридонова) 50000 солк. бирииһин тутан өрөгөйдөөтө. Күрэх сүрүн "Бастыҥ дьахтар оруола" уонна "Бастыҥ эр киһи оруола" номинацияларын хаһаайыттарынан Майатааҕы Аркадий Новиков «Көөчөөн көрө» норуодунай тыйаатырын артыыстара «Иннэ үүтүнэн” испэктээкилгэ Милитэриисэ оруолун толорбут Мария ТЕРЕНТЬЕВА, Бүөтүр Бөтүрүөбүс оруолун оонньообут Афанасий АНДРЕЕВ буоллулар, «Копир–стиль” (ИП З.Н. Иванова) өйдөбүнньүк бэлиэлэрин туттулар. Тэрийээччилэр бэстибээли өйөөн көмөлөспүт спонсордарга махталларын тиэртилэр. Маргарита Алексеевна тус бэйэтин анал бириистэрин туттарбыта сонун буолла. "ЧЕСТЬ и ДОСТОИНСТВО" диэн анал ааты уонна 50000 солк. өр сылларга алтыһан үлэлии сылдьар биир идэлээҕэр Бэрдьигэстээхтээҕи норуодунай тыйаатыр режиссеругар Елизавета МАРТЫНОВАҔА туттарда. Тааһаҕардааҕы норуот тыйаатырыгар "Олоҥхо тойук дойдута", Анна ОХЛОПКОВАҔА "Көөчөөн көрүн чулуу Хотуна», Үөһээ Бүлүүтээҕи биир идэлээхтэригэр «Мордьонолор ытык сирдэрин бар дьонугар сүгүрүйэбин", "Оҕо сааһым биһигэ Маҥаас дьонугар-сэргэтигэр сүгүрүйэбин» диэн анал ааттарынан махтанна. Режиссер хас биирдии тыйаатырга Алгыс суругуттан: “Тыйаатыр дьон-сэргэ дууһатын күүһүрдэр, духуобунас ытык тыына буолар. Айааччы, тутааччы режиссердар, итэҕэйиҥ артыыскыт талааныгар, кини кыаҕар бигэтик эрэниҥ, киниэхэ көҥүлү биэриҥ, үрдүккэ дабайан кэҥииргэ, сайдарга, саҥаны арыйарга көмөлөһөн тирэх буолуҥ! Мин олоҕум сыанаҕа ааспытынан дьоллоохпун! Эһиэхэ уһун айар үлэҕитигэр саҥа ситиһиилэри уонна көрөөччү тапталын алгыыбын. Сыана күүһүнэн дьон олоҕо сайдан истин, эйэлээх дьоллоох олох туругурдун!”. Дьэ, ити курдук Ытык Бүлүү сиригэр икки күннээх тыйаатыр ускуустубатын күннэрэ саха литэрэтиирэтин саарына Иван Гоголев-Кындыл аатын өрө тутан ааспыты саната, бүгүҥҥүнү көрдөрө, кэлэр кэскили кэрэһэлии үөрүү, киэн туттуу уонна өрөгөй көтөллөөх аастылар. Кындыл эппитинии, туох барыта Алгыһынан саҕаланар уонна Алгыһынан түмүктэнэр. Дьон дууһатын ытатар-ыллатар тыйаатыр ускуустубата норуот талааннаахтарын айар куттарынан сайда турдун! САБЫЛЛЫБЫТ БЫЫС ӨРҮҮ АҺЫЛЛА ТУРУО... Надежда Иванова, Саха Өрөспүүбүлүкэтин култууратын үтүөлээх үлэһитэ, Арассыыйа суруналыыстарын Сойууһун чилиэнэ