Бүлүүлэр - Ытык киһи Охонооһой Федоров дьоро киэһэтигэр — 8 апреля 2026 г. в 11:52:37.711
Бүлүүлэр - Ытык киһи Охонооһой Федоров дьоро киэһэтигэр Бэҕэһээ, муус устар 7 күнүгэр П.А. Ойуунускай аатынан Саха академическай тыйаатырыгар Саха сирин Ытык киһитэ, Арассыыйа култууратын үтүөлээх үлэһитэ, Саха АССР үтүөлээх артыыһа, Саха Өрөспүүбүлүкэтин норуодунай артыыһа, А.Е. Кулаковскай аатынан Саха Өрөспүүбүлүкэтин Судаарыстыбаннай бириэмийэтин лауреата, Дьокуускай куорат, Уус-Алдан улууһун уонна Уус-Алдан улууһун Дүпсүн нэһилиэгин бочуоттаах олохтооҕо АФАНАСИЙ СЕМЕНОВИЧ ФЕДОРОВ 85 сааһын бэлиэтиир дьоро түһүлгэ буолан ааста. Үөрүүлээх киэһэ кыттыылаахтара Афанасий Семенович үйэлэри у²уордаан кµн бµгµнµгэр дылы тиийэн кэлбит норуот му²ура суох муудара´ын и²эриммит, саха омук кута-сүрэ, ³й³-санаата, ураты иэйиитэ тµмµллµбµт µйэлээх µгэстэрин, сиэрин-туомун кэнчээри ыччакка тиэрдиигэ, фольклорун чинчийиигэ, µ³рэтиигэ киллэрсэр кылаата утумнаа±ын уонна кэскиллээ±ин бэлиэтээтилэр. Афанасий Семенович 2022, 2024 сылларга Бүлүү улууһун талааннаахтара М.Н. Жирков, Г.И. Литинскэй “Сыгый Кырынаастыыр”, “Ньургун Боотур” операларын норуот оператын быһыытынан ситиһиилээхтик туруорууларыгар этнографияҕа научнай консультант буолан көмөлөһөн, кыттааччыларбытын алҕаан-силээн, арчылаан сылдьыбытыгар уонна өрүү ³й³бµл буоларыгар бар±а махталлаахпыт. Ытык киһиэхэ бүлүүлэр махталбытын, эҕэрдэбитин Оройуоннааҕы култуура сайдыытын уонна норуот айымньытын Киинин салайааччыта Алена ДАШЕВСКАЯ салайааччылаах делегация тириэртэ. “Ньургун Боотур” операттан Наталья ИВАНОВА - Туйаарыма Куо, Анна ЧЕРКАШИНА - Кыыс Кыскыйдаан, Владимир БУСЛАЕВ Уот Уһутаакы партияларын, “Сыгый Кырынаастыыр” операттан Салтанат МАЧЧАЕВА уонна Василий НИКОЛАЕВ Сыгый Кырынаастыыр уонна Дэгэнэ Дугуй дуэттарын толорон Афанасий Семеновиһы эҕэрдэлээтилэр, көрөөччүлэр дохсун ытыстарын тыаһынан биһирэннилэр. Афанасий Семенович Үрдүк Айыылартан ситимнээх Алгыстара саха дьонун үрүҥ тыынын күрүөлүү, бигэ туругун бөҕөргөтө, саргытын салайа, кэскилин түстүү арчылыы, араҥаччылыы турдуннар! Надежда Иванова, Саха Өрөспүүбүлүкэтин култууратын үтүөлээх үлэһитэ, Арассыыйа суруналыыстарын Сойууһун чилиэнэ