📌Белгечләр әйтүенчә, сәламәт булу өчен, көндәлек рационыбызда, һичшиксез, яшел тәмләтк... — 7 июля 2026 г. в 14:55:00

📌Белгечләр әйтүенчә, сәламәт булу өчен, көндәлек рационыбызда, һичшиксез, яшел тәмләткечләр дә булырга тиеш. Алар нәрсәсе белән файдалы? 🌱Укропның яфракларында В1, В2, С, РР, Р витаминнары, каротин, фолий кислотасы, тимер тозы, фосфор, кальций һәм калий бар. Ул эфир майларына да бай. Укроп кан тамырларын киңәйтә, кан басымын төшерә; 🌱Петрушка – кальций, магний, тимер, калий, фтор һәм фосфор чыганагы. Йөрәк авыруларыннан интеккән кешеләргә аны күбрәк ашарга киңәш итәләр. Ул пародонтоз вакытында да файдалы; 🌱 Яшел суганда исә цинк, кальций, фосфор күп. Шул рәвешле ул сөякләр өчен файдалы. Суган иммунитетны яхшырта, йөрәк-кан тамырларын ныгыта; 🌱 Рәйхан (базилик) - файдалы матдәләргә, эфир майларына һәм витаминнарга (А,С, К) бай үлән. Ул организмдагы ялкынсынуларны киметергә, иммунитетны ныгытырга, ашкайнатуны яхшыртырга, нерв системасын тынычландырырга һәм микробларга каршы көрәшергә сәләтле; 🌱 Руккола үләне K һәм C витаминнары, кальций, тимер һәм антиоксидантлар чыганагы булып хезмәт итә. Ул иммунитетны ныгыта, ашкайнатуны яхшырта, нерв системасы эшчәнлеген көйли, матдәләр алмашын тизләтә, кандагы шикәр күләмен киметә. #әйләнә_тирәбез_ТЯ