Бер кибетнең ишегенә:"Песи балалары сатыла!" дип игълан эленгән. Бу балаларның игътибар... — 24 августа 2026 г. в 10:52:45.790
Бер кибетнең ишегенә:"Песи балалары сатыла!" дип игълан эленгән. Бу балаларның игътибарын алган. Санаулы минутлар эчендә кибеткә бер малай кергән: -Исәнмесез!Песиләр күпме тора? - 50 сум, – дигән сатучы. Бала учындагы тиеннәрен санап: - Миндә 20сум гына шул, - дип боеккан. -Мөмкинме мин аларга күз генә салып алам? Сатучы елмаеп әрҗәдә яткан песиләрне алып күрсәтә башлаган. Иреккә чыккан песиләр йөгерешә башлаган, тик берсе генә башка песиләрдән бик нык артта калган,арткы аягын сөйрәп көчкә йөри икән. - Менә бу песи баласына ни булды? - дип сораган малай. – Аның тумыштан аягы гарип. Ветеринар төзәтеп булмый диде! - дип өстәп куйган сатучы. - Мин шул песи баласын алам! - дигән малай. - Син нәрсә инде! Нәрсәгә ул сиңа? Ул бит гарип хайван. Әгәр дә син шундый мәрхәмәтле икәнсең, ал! Мин сиңа аны бушка бирәм. Аны беркем дә алмаячак. - Юк, юк!!! Минем аны бушка аласым килми!-дип өзгәләнгән малай. -Бу песи баласының хакы башка песиләрнеке кебек үк! Һәм мин аңа тулы бәясен түлисем килә. Хәзер мин калган акчаны алып киләм-дигән малай. Балага гаҗәпләнеп караган кибетченең йөрәге "жу" итеп киткән. - Улым, син әле аңламыйсың. Бу мескен песи башка песиләр кебек йөгерә дә уйный да алмый. Кибетченең бу сүзләреннән соң малай сул аягындагы ыштан балагын өскә күтәрә башлаган. Шунда кибетче малайның тимер ләр белән әйләндереп алынган зәгыйф аягын күреп ала. - Мин дә беркайчан да иптәшләрем кебек йөгерә алмаячакмын. Бу песи баласына да аны аңлаучы, яклаучы кирәк-дигән калтыранган тавыш белән. Прилавка артында торган ир кешенең күзләренә яшь килгән. Бераз вакыттан соң ул үзен елмаерга мәҗбүр иткән. - Улым! Мин башка песиләрнең дә синең кебек мәрхәмәтле, яхшы күңелле хуҗалары булуын телиячәкмен. Чынлыкта, кем булуыңа, нинди эш урынында эшләүгә дә карамастан,иң мөһиме кеше булып калырга кирәк. Бөтен нәрсә сиңа арты белән борылганда, синең белән бергә калганы иң якын кешең булып чыга да инде!