Әгәр миңа беркөн алтын балык — 24 августа 2026 г. в 07:54:47.977
Әгәр миңа беркөн алтын балык Көтмәгәндә кулга эләксә Өч теләгең чынга ашырам дип Күзләремә карап эндәшсә... Мин сорамас идем алтын-көмеш Мин сорамас идем зур байлык Чөнки беләм бу җиһанда Күпләр өчен САУЛЫК- зур байлык! Саулык сорар идем авырудан Изаланган сабый балаларга, Саулык сорар идем якыннарга, Саулык сорар идем туганнарга! Күңел тынычлыгы сорар идем, Күпме җаннар аны табалмый Барыр юллар төрле,тик нигәдер Туры юлларыннан баралмый... Хәмер колы булып күпме Адәм Кешелеген җуйган дөньяда. Гаилә җылылыгын үз бәхетен Алыштырган салкын урамга.... Ана күз яше дә,бала сыкравы да Туктаталмый инде аларны... Бәхетләрен,яшәү ямен җуеп Кыскарталар гомер юлларны... Җир йөзеннән юкка чыгарыр идем Кулдан килсә "Яшел елланны"! Таркалмаслар иде гаиләләр дә, Газапланмас иде Картлык көннәрендә аналар Наз-ярату тоеп яши алыр иде Шатлык-сөенечтә балалар... Җылы өйдә,тыныч тормышларда Яшәүләргә тагы тагы ни җитә? Аңла инде Адәм баласы Гомер юлы кыска,тиз үтә! Балаларга тәүфикъ сорар идем, Терәк булсын картлык көннәрдә Ата-аналарны хөрмәт итеп Яшәтсеннәр җылы өйләрдә... Чын МӘХӘББӘТ булсын йөрәкләрдә Пыскып түгел,дөрләп янырлык! Бездән соң да әле сүрелмичә, Үрнәк булыр эзләр салырлык! БӘХЕТ бирсен иде һәркемгә дә Ә бәхетне һәркем аңлый хәзер үзенчә Эх яшәсәк иде кайгы-хәсрәт, Сагыш-газапларны күрмичә! Венера Мәхмүтова