Бервакыт мәрхәмәтле бер кеше Аллаһыга сорау белән мөрәҗәгать иткән: — 9 сентября 2026 г. в 18:55:00.580
Бервакыт мәрхәмәтле бер кеше Аллаһыга сорау белән мөрәҗәгать иткән: -Минем Җәннәт белән Тәмугъның нәрсә икәнен беләсем килә,-дигән. Ходай аны ике ишек төбенә алып килгән.Шуларның берсен ачып эчкә үткәннәр.Анда бик зур бер түгәрәк өстәл ,өстәл уртасында хуш исле тәмле ризык белән тулы зур савыт булган.Мәрхәмәтле кешенең хәтта авыз сулары килгән.Әмма өстәл артында утыручылар авыру һәм ачтан хәлсезләнеп үлеп баручы кыяфәтендә булганнар.Аларның һәрберсенең кулына зур саплы кашык бәйләнгән.Алар кашык белән савыттан ризыкны ала алганнар,тик кашыкның сабы озын булу сәбәпле авызларына якын китерә алмаганнар.Аларның бәхетсезлеген күреп Кеше шаккаткан.Аллаһ әйткән: -Син әле генә тәмугъ галәмәтен күрдең, -дигән.Аллаһыбыз белән Кеше икенче ишеккә юнәлгән.Ишекне ачып кергәч тә ,Кеше нәкъ баягы күренешне күргән.Шундый ук зур өстәл,өстәл уртасында авыз суларын китерерлек хуш исле тәмле ризык белән зур савыт торган.Өстәл артында утыручыларның кулларында шундый ук зур саплы кашыклар булган .Тик боларының тамаклары тук,бик бәхетле күренгәннәр,бер-берсе белән яхшы мөгәлләмә кылып утыралар икән.Кеше Ходайга берни дә аңламавын әйтә.Ходай аңа:"Моның берние дә юк!Биредәге Кешеләр бер-берсен ашатырга өйрәнгәннәр.Ә тегеләре үзләре турында гына уйлый"-дип әйткән. Тәмугъ та Җәннәт тә бер калыптан.Аермасы безнең үзебездә.