532нче сайлау участогында тавыш бирергә килүчеләрне тирә-якка тәмле исләрен тараткан ка...
532нче сайлау участогында тавыш бирергә килүчеләрне тирә-якка тәмле исләрен тараткан камыр ашлары белән сәүдә киштәсе каршы алды. Иртәнге сәгать белән үк үзләренең гражданлык бурычларын үтәргә ашыгучылар шактый булып чыкты. Өлкәннәргә ияреп килгән балаларга татлы күчтәнәчләр өләшенде. Ирле-хатынлы Ришат һәм Бәрия Сәгәдиевлар да Дәүләт Думасына депутатлар сайларга килеп җитте. - Совет чоры тәрбиясе – тавыш бирүдән бер тапкыр да читләшкәнебез булмады: 18 яшьтән алып сайлыйбыз. Бүген дә бергәләп килдек. Хәзер инде үз эшләребезгә тыныч күңел белән алына алабыз. Көн дә матур, кояшлы. Киләчәгебез дә менә шулай якты һәм җылы булсын, балалар һәм оныклар тыныч күк астында яшәсен дип үз тавышыбызны бирдек, - диде шәһәрдәшләр. Сәгәдиевлар “Рәхмәт” акциясендә катнашу өчен купон да алырга онытмады. Сүз уңаеннан, сез дә әлеге ташламалы акциядә катнаша аласыз. Моның өчен бары тик сайлау участокларына гына барырга кирәк. #ВыбираемВместе #ЕДГ2026 #АлгаВсейСемьей2026 #БашкортостанВыбирай2026 #ГолосМедиаСообществ2026