Әтиләр көне уңаеннан шахмат ярышлары: кечкенә гроссмейстерлар җиңү яулады! 🏆♟️
Әтиләр көне уңаеннан шахмат ярышлары: кечкенә гроссмейстерлар җиңү яулады! 🏆♟️ Бу ял көннәрендә 2 нче спорт мәктәбендә шахмат буенча аеруча җылы һәм мәгънәле турнир узды. Ул Русиядә октябрьнең өченче якшәмбесендә билгеләп үтелә торган Әтиләр көненә багышланды. Бу бәйрәмнең төп максаты — гаилә институтын ныгыту һәм һәрберебезгә әтиләрнең балалар тәрбияләүдә, аларны яклауда һәм шәхес буларак формалаштыруда нинди мөһим роль уйнавын искә төшерү. Чөнки һәр бала өчен әти — ул кыюлыкның, ышанычлылыкның һәм зирәклекнең беренче үрнәге. Шахмат такталары артында мәктәпнең иң яшь тәрбияләнүчеләре — булачак гроссмейстерлар очрашты. Яшьләренә карамастан, малайлар һәм кызлар уенга чын өлкәннәрчә караш, җитди концентрация һәм җиңүгә ихтыяр көче күрсәтте. Турнир нәтиҗәләре буенча урыннар түбәндәгечә бүленде: 🥇 1 урын: Диникиев Дамир, Миңнегалиева Камилла; 🥈 2 урын: Зиннәтуллин Даниэль, Листгартен Доминика; 🥉 3 урын: Стамболцян Давид, Звегинцева Елизавета. Кечкенә чемпионнарны чын күңелдән котлыйбыз!! 👨👩👧👦💪 📷 Фотолар шахмат мәктәбе битеннән