🔹 Чаа регионнар, ол ышкаш Курск биле Белгород областар девискээрлерин камгалап турар ш... — 15 июня 2026 г. в 08:27:42.502
🔹 Чаа регионнар, ол ышкаш Курск биле Белгород областар девискээрлерин камгалап турар шериг албанныгларга гуманитарлыг дуза чыылдазы Тывада уламчылап турар. Акцияның организакчылары — Улусчу фронт биле Тыва Республиканың Чазаа июль төнчүзүнге чедир 40 тоннадан эвээш эвес чүъктү чорударын планнаан. Федералдыг болгаш республика албан черлери, хөй-ниити организациялары, эки турачы каттыжыышкыннары чыылдада каттышкан. Тускай шериг операциязы эгелээнден бээр республикадан ТШО зоназынче 500 ажыг тонна гуманитарлыг дузаны чоруткан. Шериглерниң дилээ-биле дузаны чыыры чаңчыл апарган. Улусчу фронтунуң регионалдыг салбырының дыңнатканы болза, чайгы бо үеде, оларга генераторлар, бензохирээлер, рациялар, дроннар, дрон детекторлары, тудуг материалдары дээн ышкаш, техниктиг дериг-херексел негеттинип турар. Ол ышкаш электро-чадаг-тергелер болгаш электромотоциклдер дээн ышкаш дааш чок машиналар база хереглелдиг. РФ-тиң Онза байдалдар яамызының Тыва Республикада кол эргелелиниң төлээлери генератор, бензохирээ болгаш дериг-херекселдер комплектизин саткаш, ОНФ-ке хүлээткен. Эрткен неделяда Тыва Республиканың Юстиция яамызы база-ла 20 тактиктиг аптечкаларны дамчыткан, а Федералдыг үндүрүг албанының Тыва Республикада эргелели «Форд» маркалыг автомашинаны чоруткан. Ак-Довурактың орук тудуг болгаш септелге эргелели дайынчының дилээ-биле электрочадаг-тергени саткан. Россия Федерациязының Тыва Республика талазы-биле Юстиция яамызы «Тойота Камри» чиик машинаны белекке берген. Хөй-ниити каттыжыышкыннары акцияларга кезээде идепкейлиин көргүзүп турар. Чижээ, «Идепкейжи иелер» каттыжыышкында активчи иелер камгалал четкилерни болгаш адрестиг посылкаларны белеткеп чыгган. Балгазын суурнуң Иелер эвилели 3х6 метр камуфляж четкизин база 17 шлемну белекке берген. Республиканың эмчи колледжизиниң ажылдакчылары ниити үле-херек эгелээнден бээр ТШО зоназында чаңгыс чер чурттугларынга доктаамал дузалажып турарын Улусчу фронтунуң регионалдыг салбыры демдеглээн. Чоокта чаа колледж ажылдакчылары дайынчыларның дилээ езугаар техниктиг дериг-херекселдер садар дээш, «Улусчу фронт. Тиилелге дээш шупту чүвени» деп ачы-буян фондузунуң регионалдыг агар санынче ай санында бодунуң ажылдаан шагының төлевирин шилчидер деп шиитпирлээннер. «Бистиң коллектив тускай шериг операциязының киржикчилеринге акша-хөреңги болгаш сагыш-сеткил деткимчезиин көргүскен. Оолдарның чагыгларынга даянгаш, херек чүүлдер садар акшаны чыып алдывыс. Оон аңгыда 55-ки мотоадыгжы даг бригадазындан офицерлерни чалап, ТШО зоназында шериглеривиске тактиктиг эмчи өөредилгезин эрттирген бис. Мооң мурнунда квартал санында дузаламчыны чыып турган болзувусса, ам шериглеривисти ай санында деткиир деп шиитпирледивис. Коллектив ол акцияны бүрүнү-биле деткип турар» - деп, өөредилге чериниң директору Саида Монгуш чугаалаан. Улусчу фронтунуң регионалдыг салбыры «Улусчу фронт. Тиилелге дээш шупту чүвени» деп гуманитарлыг ачы-дуза чыылдазынгакиржирде, бо айтыгже кирерин сагындырып тур: [#alias|pobeda.onf.ru/requiremen…|pobeda.onf.ru/requiremen…] Кызылда посылкалар болгаш техниктиг дериг-херекселдер хүлээп алыр пунктулар дараазында адрестерде: Чульдум кудумчузунуң 40А база Ленин кудумчузунуң 5 дугаар бажыңда база муниципалдыг чагырга албан черлеринде. Айтырыглар бар болза, 2-10-50 дугаарлыг телефонче долгаар.