Ульяновск шәһәренең "Киндяковка" мәдәният йорты каршында эшләп килүче "Нур" татар халык...
Ульяновск шәһәренең "Киндяковка" мәдәният йорты каршында эшләп килүче "Нур" татар халык театры яңа сезонны башлап җибәрде. "Нур" лылар Современник мәдәният йортында семберлеләргә танылган драматург Рушан Шәрифнең "Килдем әле менә" спектаклен тәкъдим итте. Артистлар бик оста уйнадылар, алар тамашачыны көлдерделәр дә, елатты да, уйландырга да мәҗбүр иттеләр. Тамашачылар һәм кунаклар "Нур" татар халык театры артистларына, театрның режиссеры - Татарстанның атказанган мәдәният хезмәткәре Җәмилә Мифтаховага рәхмәт сүзләре ирештерделәр һәм уңышлар теләделәр. Мөхтәрәм кунак - Татарстанның атказанган сәнгать эшлеклесе Хәбир Ибраһимов "Нур" лыларга соклануын белдерде һәм театр коллективын кабат Казан сәхнәсендә чыгыш ясарга чакырды.
113 просмотров